Vllaznia ka mbyllur pasditen e sotme pergatitjet ne Shkoder dhe neser do te marre rrugen drejt Irlandes se Veriut, ku nje dite me pas do te zhvilloje te paren perballje ndaj vendasve te Linfield, ne ndeshjen e vlefshme per “UEFA Europa Conference League”.
Nga sa behet e ditur, klubi shkodran ka siguruar nje çarter per kete levizje. Kuptohet qe kjo gje ka patur nje kosto te konsiderueshme financiare, megjithate presidenti Xhaferi ka dashur qe t’i krijoje te gjithe kushtet ekipit dhe te eliminoje oret e gjata te qendrimeve neper aeroporte.
Gazeta meson se Vllaznia do te lere Shkodres ne oren 09.30 te mengjesit te neserm, ndersa ne dreke do te jete jete ne Rinas per te marre rrugen drejt Irlandes se Veriut me destinacion direkt aeroportin e Belfastit.
Nderkohe mesohet se ekipi i Vllaznise do ta zhvilloje seancen e fundit stervitore ne stadiumin “Windsor Park”, aty ku do te luhet ndeshja, pikerisht neser ne oren 19.45.
Gazeta “Shkodra Sport” po ashtu ka mesuar se ekipi menjehere pas ndeshjes te se enjtes ndaj Linfield, do te marre çarterin dhe do te niset drejt Tiranes ku pritet te mberrije rreth ores 04.00 te mengjesit te se premtes.
