Vllaznia U20 ne volejboll per femra vazhdon te fitoje, ashtu si ne kampionat, edhe ne kupe. Pasditen e sotme ajo ka fituar nje tjeter ndeshje te luajtur ne pallatin e sportit “Qazim Dervishi”.
Skuadra e drejtuar nga trajneri Ferdinand Bardeli u ndesh me ekipin e Mirditës. Një ndeshje kjo e dominuar tërësisht nga skuadra kuqeblu, e cila fitoi thellësisht me rezultatin 3-0. Vajzat kuqeblu fituan respektivisht setet, 25 me 12 të parin, 25 me 7 të dytin dhe 25 me 13 të tretin.
Kjo është fitorja e tretë në tre ndeshje radhazi e Vllaznisë në Kupën e Shqipërisë duke qënë kështu skuadra kryesore për fitimin e trofeut të Kupës.
Ndërkohë që kjo skuadër kryeson edhe Kampionatin Kombëtar të volejbollit për U-20 me një bilanc shumë pozitiv, ku në të gjitha ndeshjet ka realizuar vetëm fitore duke qënë edhe këtu pretendente kryesore dhe e padiskutueshme për titull.
Ekipi i Vllaznise kishte kete perberje ne ndeshjen e sotme: Sidorela Baroti, Paola Gjyshja, Adela Vulaj, Adma Mikopula, Mandisa Kuçi, Edna Erkoçi(Kapitene), Sarah Beci, Danjela Kodra, Genta Kodra, Adean Grumira, Reina Hoxha, Laura Ballçiti. Trajner: Ferdinand Bardeli
