Vllaznia U21 ka shperdoruar nje mundesi shume te mire per te mundur Bylisin dhe per t’i shkaktuar atij humbjen e pare ne kampionat. Pasditen e sotme kuqeblute e Ergi Borshit kane qene ne udheheqje te rezultatit ne shifrat 3-1 deri ne minuten e 75-te, por ne fund gjithçka eshte mbyllur ne barazim 3-3.
Takimi ka nisur ne menyren me te mire te mundshme per ekipin shkodran i cili ka kaluar ne avantazh ne minuten e 7-te me ane te mbrojtesit brazilian Andrey Yago. Por gjashte minuta me vone ka qene Abazaj qe do te barazonte shifrat per ekipin ballshiot.
Pjesa e pare do te mbyllej me rezultatin 1-1. E dyta nderkohe do te dhuronte plot 4 gola. Ishte Vllaznia U21 qe beri gjithçka mire ne fillim duke shenuar dy here ne 15 minutat e para. Fillimisht me ane te Antonio Delajt dhe me pas me Alfred Ajdareviç.
Me keto dy gola u duk se ndeshja do te mbyllej ketu, por llogarite ishin bere gabim. Ka qene afrikani Akibu ai qe ne minuten e 75-te do te ngushtonte shifrat ne 3-2. Vllaznia U21 reagon menjehere dhe ishte shume prane golit te katert qe do te mbyllte ndeshjen, por Bajrami dhe Bruno Gomes gabojne vetem per vetem me portierin kundershtar.
Nderkohe ne minuten e 90-te pas nje goditje denimi, Akibu me koke do ta dergonte serish topin ne rrjeten e portes shkodrane duke bere qe gjithçka te mbyllej ne shifrat e barabarta 3-3. Pas javes se 16-te te kampionatit, Bylis U21 vazhdon te udheheq renditjen me 42 pike, ndersa Vllaznia eshte e pesta me 26 pike./www.shkodrasport.com/
