Kanë ardhur shumë lojtarë deri më tani, por merkatoja e Vllaznisë ende nuk është mbyllur dhe deri në afatin përfundimtar të saj, mund të vijë edhe ndonjë lojtar tjetër.
I këtij mendimi është shprehur në një prononcim të dhënë për mediat sponsori i saj Alban Xhaferi që për këtë temë ka deklaruar: “Merkatoja akoma nuk është mbyllur për ne. Ndoshta do të kemi edhe ndonjë përforcim tjetër.
Ne e presim që të zyrtarizohet shumë shpejt. Mendojmë se kemi ndërtuar një skuadër optimale. Ai që do të vijë, mendoj se do të një jetë afrim i nevojshëm dhe që i duhet Vllaznisë aktualisht dhe padyshim shumë i vlefshëm për të”.
Në këtë mënyrë tashmë vetë tifozët janë kuriozë të mësojnë emrin e lojtarit që do të vijë te Vllaznia deri në afatin përfundimtar të merkatos. Me shumë të ngjarë ai do t’i përkasë sulmit, ose do të jetë një mesfushor- organizator, vend që skuadra ka kohë që nuk e ka një të tillë cilësorë.
Kuqeblutë duan që të jenë konkurrues për të gjitha trofetë edhe në sezonin e ri dhe në këtë kontekst, padyshim që në skuadër duhet të ketë sa më shumë lojtarë cilësorë dhe këtë gjë e kanë kuptuar edhe drejtuesit./SHKODRA-SPORT.COM/
