Gazetari i sportit, Pano Xhixho, thotë se fitimi i Kupës nga Vllaznia, nuk mund ta quajë si të shpëtuar sezonin e shkodranëve. Në emisionin “Skaner” në MCN TV, Xhixho u shpreh se fitimi i një trofeu, mund ta quajë si të suksesshëm sezonin e shkodranëve, por jo të shpëtuar.
Xhixho foli edhe për situatën te Partizani, që emëroi ditën e sotme drejtor sportiv, Elton Marinin.
Olsi Rama është drejtori i përgjithshëm. Një klub futbolli duhet parë si ndërmarrje.
Vendi vakant, që pas largimit të Ilir Dajës, i cili ishte edhe si drejtor sportiv, ditën e sotme u plotësua nga Elton Marini. Është një mundësi e madhe për Marinin, pasi i jepet një klub i madh si Partizani.
Gjithnjë ka skeptikë kur vendosen emra të rinj. Kur të jepen mundësitë dhe jep prova dhe arrin objektiva, do ketë gjithnjë herë të parë.
Vllaznia? Nuk është shpëtim i sezonit, fitimi i Kupës. Mund të quhet si një sezon i suksesshëm për Vllazninë, pasi fitoi një trofe.
