Aleksandër Isaevski është zyrtarisht lojtar i Dinamos. Mbrojtësi 26-vjeçar është bërë sot pjesë e klubit kryeqytetas duke plotësuar në këtë mënyrë linjën e majtë të prapavijës.
Përmes një prezantimi në kanalin zyrtar, kryeqytetasit bëjnë me dije që mëngjërashi “de juro” është pjesë e 18-herë kampionëve të Shqipërisë.
Edhe pse ka pasur shumë aludime rreth të ardhmes së tij, ish-futbollisti i Vllaznisë ka zgjedhur sërish të jetë pjesë e kampionatit shqiptar.
“Aleksandar Isaevski… zyrtarisht Dinamovit.
Mbrojtësi 26-vjeçar është zyrtarisht pjesë e Dinamos si afrimi më i fundit në merkato. Lojtari i krahut të majtë vjen si një përforcim me shumë vlera në repartin e mbrojtjes”, shkruhej në njoftimin e klubit kryeqytetas.
Kujtojmë që Isaevski u aktivizua në 29 ndeshje me skuadrën e Vllaznisë, të cilat i nisi nga minuta e parë si titullar.
