Zhgënjen Vllaznia. Renditet e dyta me të rinjtë pas Tiranës

E prisnin që të ishte kampione e vendit edhe më të rinjtë por nuk ka ndodhur kështu me ekipin e Vllaznisë të drejtuar nga trajnerët Besnik Limani dhe Jozef Sermi. Ai ka zënë vetëm vendin e dytë teksa në përfundim të kampionatit ka grumbulluar 14 pikë ndërkohë që kampione është Tirana me 25 pikë e drejtuar nga një trajner shkodran- Sead Bushati. Vllaznia ka arritur të nxjerrë vetëm tre finalistë përballë gjashtë të Tiranës dhe që këtu është bërë shkëputja. Në ndeshjet finale të zhvilluara paraditen e sotme, kanë triumfuar Rexhildo Zeneli në peshën 56 kg dhe Arnaldo Duka në peshën 91 kg për Vllazninë.

Kampionati, 5 fitore dhe 1 humbje ditën e parë për boksierët shkodranë

Me 5 fitore dhe një humbje e kanë nisur boksierët e rinj të Vllaznisë kampionatin kombëtar të kësaj grupmoshe që po zhvillohet që nga dita e djeshme në Shkodër. Dita e parë ka dhuruar sfida shumë interesante që janë shoqëruar me triumfin e boksierëve shkodranë në shumicën e dyluftimeve. Kështu Ersad Hysaj (49 kg) ka fituar me një boksier të Flamurtarit, Dritan Manaj (60 kg) ka humbur ndaj një boksieri të Teutës, Erald Muhja (64 kg) ka fituar me një boksier të Tomorit, Marjan Vashja (69 kg) ka fituar me një boksier të Apollonisë, Medi Zeneli ka fituar me një boksier të Teutës dhe Arnaldo Duka ka fitu me një boksier të Teutës.

Starton kampionati kombëtar i të rinjve. Vllaznia pretendente

Starton sot në Shkodër kampionati kombëtar i boksit për të rinj. Boksierët më të mirë të të gjithë ekipeve të vendit, kanë mbërritur pasditen e së mërkurës në qytetin tonë për t’u bërë pastaj gati për ndeshjet e ditës së parë. Kampionati do zgjasë tre ditë. Vllaznia do të kërkojë të shpallet kampione e vendit edhe për këtë grupmoshë. Këtë objektiv të saj e ka bërë të ditur për gazetën www.shkodrasport.com njëri nga trajnerët e ekipit shkodran Jozef Sermi që ka thënë: "Vllaznia është përgatitur seriozisht për këtë kampionat ngaqë vitin e kaluar ndoshta edhe si shkak i një neglizhimi të vogël nuk arritëm të shpallemi kampion. Ky gabim nuk do të ndodhë këtë herë teksa me të gjithë boksierët jemi përgatitur shumë seriozisht dhe jam shumë i bindur se do jemi kampionë të vendit".

Kampionatet e boksit zhvillohen në shtator në Shkodër

Dy kampionatet më të rëndësishme të boksit, ai i të rriturve dhe ai i të rinjve, këtë vit do të zhvillohen në qytetin e Shkodrës. Federata Shqiptare e Boksit tashmë ka vendosur për këtë gjë. Janë caktuar madje edhe datat e zhvillimit të tyre. I pari do zhvillohet kampionati i të rinjve. Boksierët e ekipeve pjesmarrëse do mbërrijnë në Shkodër më datën 5 shtator dhe një ditë më pas, do nisë zyrtarisht kampionati i kësaj grupmoshe që do zgjasë tre ditë. Ndërkohë kampionati i të rriturve që pritet edhe më me shumë interes, do të startojë më 25 shtator.

Arbis Vjerdha, zgjidhet president i Federatës së Kik- Tai Boksit

Arbis Vjerdha është zgjedhur presidenti I Federatës më të re sportive të krijuar në vend, asaj të Kik- Tai Boksit. Zgjedhjet e kësaj Federate janë zhvilluar paraditen e së premtes në sallën e Këshillit Bashkiak Shkodër. Kanë qenë të pranishëm përfaqësuesit e të gjithë klubeve dhe shoqatave sportive që e ushtrojnë këtë sport në vendin tonë. Përveç tyre kanë qenë të pranishëm edhe drejtues të Federatave të vendeve fqinje dhe drejtuesi I Federatës Ballkanike të këtij sporti.

Boksierët e Vllaznisë, 4 vende të para në turneun e Prishtinës

Një tjetër sukses për boksierët shkodranë. Suksesi I rradhës vjen nga Prishtina, aty ku ata morën pjesë në turneun e organizuar për nder të 100 vjetorit të Pavarësisë. Kristian Shytani, Asmer Bilali, Kristian Demaj dhe Nelson Hysa kanë qenë katër boksierët shkodranë që morën pjesë në këtë aktivitet të rëndësishëm ku kishte edhe boksierë nga Kosova, Sllovenia, Maqedonia dhe Serbia. Kështu, Kristian Shytani duke garuar në peshën 64 kilogramë  ka mundur boksierin bullgar Milan Zlatev. Në peshën 69 kilogramë, Asmer Bilali ka mundur bullgarin tjetër Vladimir Georgive ndërsa në peshën 81 kilogramë Kristian Demaj ka mundur në finale bullgarin Ristov duke zhvilluar një ndeshje shumë të bukur. Ndërkohë në peshën super të rëndë, boksieri tjetër I Vllaznisë Nelson Hysa ka fituar ndaj bullgarit Jankov.

Livadhi e Hoxha, zgjidhen presidentë të ekipit të boksit të Vllaznisë

Dy biznesmenët e njohur shkodranë, Gjergj Livadhi dhe Flamur Hoxha janë zgjedhur presidentë të ekipit të boksit të Vllaznisë. Marëveshja është arritur pak ditë më parë mes tyre dhe drejtuesve të shoqatës së boksit shkodran. Biznesmenët e njohur që janë bashkëpresidentë të firmës së njohur "Albtiefbau", në fakt ka kohë që janë prej këtij ekipi dhe tashmë kthehen sërish por në pozita drejtuese tek ky ekip. Lajmin për kthimin e kësaj dysheje tek Vllaznia, e ka bërë të ditur trajneri Zef Gjoni që për gazetën online www.shkodrasport.com do të shprehej:

Gjergj Leqejza zgjidhet president i Federatës Shqiptare të Boksit

Biznesmeni i njohur shkodran Gjergj Leqejza është zgjedhur dje president i Federatës Shqiptare të Boksit. Ka ndodhur kështu pas mbledhjes së Asamblesë së jashtëzakonshme të kësaj Federate. Votat e 12 delegatëve i kanë dhënë zyrtarisht Leqejzës mandatin e presidentit të federatës pas dorëheqjes së parevokueshme nga ky funksion të ish-presidentit Shpëtim Çilotajt. Kandidat për të zëvendësuar Çilotajn ishte edhe zëvendëspresidenti i federatës, Ismail Kovaçi, por që fundi i zgjedhjeve nxori si fitues unanim kandidatin e ekipit të Vllaznisë. Deri dje Leqejza ushtronte edhe detyrën e presidentit të boksit shkodran, të drejtuar nga trajneri Zef Gjoni.

Zef Gjoni: Gjergj Livadhi ose Tom Doshi, kandidatë për presidentë

Kandidimi i mundshëm i presidentit aktual të boksit shkodran, z.Gjergj Leqejza për postin e presidentit të Federatës Shqiptare të Boksit, mund të lërë bosh këtë vend tek Vllaznia. Në këtë sport, në ditët e ardhshme pritet zhvillimi i Asamblesë Zgjedhore që do vendosë edhe për presidentin e ri. Presidenti aktual Shpëtim Çilotaj nga masa më e madhe e komunitetit të këtij sporti është votuar përmes peticioni për t'u shkarkuar dhe për këtë arsye, kryesia e kësaj Federate shpejt do thërrasë Asamblenë. Biznesmeni i njohur Leqejza është ftuar prej shumë ekipesh për të qenë ai në këtë post në të ardhmen dhe pritet që të ndodhë kështu. Por nëse ai votohet për postin e presidentit të federatës, vendi i tij tek Vllaznia do mbetej bosh. Megjithatë nuk do ndodhë kështu për shumë kohë.

Vllaznia për kadetë, kampione e Shqipërisë për vitin 2012

Vllaznia përveçse me të rritur, e thotë fjalën e saj edhe me boksierët e rinj. Në kampionatin e kadetëve të zhvilluar për tre ditë me rradhë në qytetin e Kavajës, ata kanë zënë vendin e pare duke u shpallur kampionë të Shqipërisë për vitin 2012. Boksierët shkodranët kanë bërë një paraqitje shumë të mirë në të tre ditët e aktivitetit. Ata kanë treguar një nivel të lartë në të gjitha ndeshjet e zhvilluara duke u shpallur në fund më të mirët. Në renditjen ekipore, Vllaznia me 23 pikë zuri vendin e parë duke u shpallur ekipi kampion. Në vend të dytë doli ekipi privat I Tiranës Enea me një pikë më pak ndërsa në të tretin Teuta me 14 pikë.

FUTBOLLI I FEMRAVE

E VEÇANTË/ Vllaznia e femrave me ‘një formacion’ në kombëtare

Qe prej se merkures ne Barbullush eshte grumbulluar kombetarja e femrave ne zborin e rradhes, ne pergatitje per ndeshjet e rradhes eliminatore. Trajneri Armir Grima...

HISTORI

error: NDALOHET KOPJIMI DHE PËRDORIMI I PA-AUTORIZUAR