Carlo Ancelotti nuk është aspak dakord me distancën që ka në kampionat me Barcelonën. 11 pikë diferencë sipas tij nuk janë aspak një tregues për dallimet mes ekipeve, por e gjitha është krijuar vetëm për shkak të detajeve të vogla.
“11 pikët që kemi diferencë me Barcelonën nuk janë një tregues i vërtetë. Duke parë kualitetet e skuadrave dhe përballjet direkte kuptohet gjithçka. Kjo distancë ka ardhur vetëm për arsye të detajeve të vogla”, u shpreh fillimisht Ancelotti.
Më pas tekniku italian foli për të ardhmen e Marco Asensios i cili kohët e fundit ka qenë në fokus të merkatos për një largim të mundshëm.
“Më pëlqen shumë si lojtar. Ka karakteristika që i pëlqejnë shumë klubeve dhe trajnerëve të tjerë. Shpresoj që të qëndrojë këtu me ne”, përfundoi Ancelotti.
