Sulmuesi i Kombëtares, Bekim Balaj I dha fitoren Sturm Grasit në javën e fundit ndaj Tiroli. Balaj prej disa sezonesh është pjesë e Superligës austriake, teksa goli me vlerën e tri pikëve erdhi pas 9 muajsh.
Për këtë situatë të vështirë para portës dhe të ardhmen e tij, Balaj është rrëfyer për mediat austriake duke theksuar se do vijojë të respektojë kontratën duke mos u larguar në merkaton e janarit.
“Ky gol ishte një çlirim, e gjithë trsynia iku dhe ndjej një lehtësim të madh. Me të vërtetë më mungonte ndjesia pas golit, Gjëja më e mirë për golin tim ishte që na siguroi tre pikët.
Golat dhe e ardhmja? Kalova një periudhë të vështirë, por nuk u dorëzova kurrë. Unë do të përmbush kontratën time dhe me siguri nuk do të largohem në merkaton e dimrit. Ne kemi një skuadër të fortë dhe po bëjmë mirë në kampionat. Unë dua të fitoj diçka me Sturm Gras”, tha Balaj./newsport/
