Armando Broja nuk do të jetë i gatshëm as në përballjen e sotme të Shqipërisë kundër Bjellorusisë, atje ku kuqezinjtë kërkojnë fitoren me çdo kusht.
Sulmuesi i Viteshes nuk ishte gati as në fitoren e Kombëtares në shifrat 3-1 kundër Kazakistanit. Në media është përfolur shumë edhe për një përplasje me trajneri Reja, por e vërteta është tërësisht ndryshe.
E raportuar edhe nga gazetari Egi Duro për “Supersport”, Broja ka mbërritur i dëmtuar te Shqipëria.
Prej tre ditësh ka mbërritur sërish te Vitesse në Holandë, atje ku mjekët e skuadrës që i zotëron kartonin, Chelsea-t, janë nisur nga Londra për të kontrolluar talentin shqiptar sa i përket shëndetit të tij. /Sport Ekspres/
–
