Emiljano Musta do jetë lojtari më I ri i Partizanit. Klubi I kuq ka njoftuar arritjen e marrëveshjes me mbrojtësin, që do mbajë numrin 29 në fanellë, aqsa vite mban mbi shpinë.
Musta sezonin e fundit e mbylli me Laçin, ndërsa ka punuar më herët me Dajën te Flamurtari. Pas 7 vitesh, elbasanasi i mbrojtjes rikthehet te Partizani.
Njoftimi:
FK Partizani njofton arritjen e marrëveshjes me Emiljano Mustën. Mbrojtësi 29 vjeçar ka nënshkruar sot një kontratë dy vjeçare me të kuqtë.
Musta i cili ishte pjesë e ekipit të Laçit rikthehet në familjen e kuqe, bluzë të cilën e ka veshur edhe përgjatë sezonit 2013 – 2014. Musta do të mbaj nr. 29 dhe sot i bashkohet menjëherë ekipit në Ohër për tu vënë në urdhrat e trainerit Ilir Daja.
