Vazhdojnë largimet tek Erzeni. Rigest Karaj është lojtari i radhës, që nuk do të jetë pjesë e organikës për sezonin e ardhshëm. Mesfushori ka gjetur akordin dhe për pasojë ka shpallur “divorcin”.
29-vjeçari ka luajtur 21 ndeshje sezonin e fundit, duke shënuar edhe 1 gol. Nga kampi shijakas kanë ikur deri tani 6 lojtarë, por të tjerë priten.
Situata duket të jetë e tensionuar dhe kjo gjë në një lloj forme u paralajmërua një ditë më parë edhe nga drejtori Altin Keçi.
Pavarësisht dilemave, klubi është i vendosur për të ndërtuar një ekip dinjitoz. Merkatoja është ende e hapur dhe në të tilla kushte do të mendohet edhe për pasuesit.
