FIFA ka bërë publike sot kandidaturat e përzgjedhur për votimin e zakonshëm për cmimin “The Best” që i jepet lojtarit më të mirë për vitin e fundit.
Ceremonia që duhej të zhvillohej në fundin e këtij viti, është shtyrë për shkak të Botërorit, në mënyrë që të merrej në konsideratë edhe paraqitja në atë turne.
Bie në sy në fakt se edhe lista e kandidatëve, në një pjesë më të madhe sheh si protagonistë emra të cilët kanë bërë mirë në Botëror, pa harruar këtu ”të zakonshmit”.
Në majë të listës është padyshim Lionel Mesi, i cili është një prej kandidatëve kryesorë për të fituar, edhe pse do të ketë rivalë emra si Benzema, Mbape apo Haland. Ndërsa mungon emri i Kristiano Ronaldos, i cili prej kohësh injorohet në votimet e FIFA-s.
Votimi i tifozëve për të zgjedhur fituesin do të qëndrojë i hapur deri më datë 3 shkurt, kur do të shpallen edhe emrat e tre finalistëve.
LISTA E KANDIDATURAVE
Julian Alvarez (Argjentina / River Plejt / Mançester Siti)
Xhud Bellingem (Angli / Borusia Dortmund)
Karim Benzema (Francë / Real Madrid)
Kevin De Bryjn (Belgjikë / Mançester Siti)
Erling Haland (Norvegji / Borusia Dortmund / Mançester Siti)
Ashraf Hakimi (Marok / PSG)
Robert Levandovski (Poloni / Bajern Mynih / Barcelona)
Sadio Mané (Senegal / Liverpul / Bajern Mynih)
Kilian Mbape (Francë / PSG)
Lionel Mesi (Argjentinë / PSG)
Luka Modriç (Kroaci / Real Madrid)
Nejmar (Brazil / PSG)
Mohamed Salah (Egjipt / Liverpul)
Vinícius Zhunior (Brazil / Real Madrid)
