Mançester Junajtid arriti të siguronte shërbimet e Mason Mount për shumën e 60 milionë paundëve. Mesfushori anglez ka hyrë menjëherë në historinë e Junajtidit, duke qenë një nga më të shtrenjtët që klubi ka blerë ndonjëherë.
Së bashku me Kasemiron, të dy kanë kushtuar nga 60 milionë paundë dhe renditet në vendin e gjashtë në klasifikim. Ndërkohë, shumë nga të tjerët që janë më të shtrenjtë kanë dështuar dhe mes tyre është edhe Herri Meguajër, mbrojtësi që ka mbajtur edhe shiritin e kapitenit.
Më i shtrenjti mbetet francezi Pol Pogba i cili u ble nga Juventusi për 89 milionë paund por rezultoi një dështim dhe u largua më pas me parametra zero. Antoni renditet në vendin e dytë dhe ka kushtuar 85.5 milionë paund. Ish-lojtari i Ajaksit ka treguar që ka cilësi por ende nuk e ka justifikuar shumën e shpenzuar për të.
I treti është Meguajër, një ndër lojtarët që ka bërë paraqitjet më negative me Junajtidin. Ish-mbrojtësi i Leister ka kushtuar 85 milionë euro dhe ndiqet nga Lukaku me 75. Sulmuesi belg e nisi mirë me Murinjon por me Solskjaer u bllokua dhe më pas u largua.
Sanço në vendin e 5 ka kushtuar 73 milionë euro, shifër të cilën ende nuk e ka justifikuar duke parë paraqitjet që ka bërë te Dortmundi. Kasemiro ka kushtuar 60 milionë euro dhe është ndër të vetmit që ka treguar se vlen aq.
