Xhakomo Vrioni ishte protagonist me skuadrën e tij duke shënuar në fitoren 2-1 kundër Atlanta Junajtid.
Vrioni mori një top fantastik nga Gil duke dalë i vetëm përballë portierit Brad Guzan, të cilin e ka dribluar me gjakftohtësi dhe ka shënuar me portën bosh.
Ky gol i shënuar nga Vrioni ka pushtuar rrjetet sociale dhe një nga faqet më të njohur të sportit në “Instagram”, “Bleacher Report” e ka publikuar golin e sulmuesit shqiptar.
Pas portierit, Vrioni ka pritur deri në momentin e fundit dhe pasi është shtrirë edhe një mbrojtës, ka goditur portën duke gjetur golin e dytë për skuadrën e tij në minutën e 9 të takimit.
Guzan është një nga portierët më të mirë në historinë e MLS-së, duke qenë shpesh herë vendimtar me pritjet e tij. 38-vjeçari ka luajtur në të shkuarën edhe në Premier Ligën angleze, para se të rikthehej në MLS dhe prej 6 vitesh luan me Atlantën.
