Arbeloa ka fituar duelin e tij me Pep Guardiolën. Reali i Madridit ka mundur Manchester City-n me shifrat 3-0. Pas përfundimit të sfidës, Arbeloa i ka treguar opinionit sportiv peshën e rëndë të Realit të Madridit.
Ai ka përmendur faktin se përpara ndeshjes të gjithë po flisnin për superioritetin e City-t, por më pas ka theksuar se Reali mbetet gjithmonë në garë.
“E dinim që do të ishte shumë e vështirë. Mundëm Manchester City-n, por nuk ka mbaruar ende. Duhet të vazhdojmë dhe të vuajmë në Manchester. Por ne jemi Real Madridi. Askush nuk besoi te ne. Të gjithë po flisnin se sa i mirë është Manchester City, por jo Real Madridi.
Ne jemi Reali dhe jemi gjithmonë aty. Ne do të vuajmë atje, e dimë këtë. E njohim Pepin (Guardiolën), i njohim lojtarët e City-t, e dimë edhe atmosferën që do të ketë atje”, është shprehur Alvaro Arbeloa./Sport Ekspres/
