lubi i Besëlidhjes është ngjitur në Kategorinë e Parë përsëri me stofin e kampiones së Kategorisë së Dytë, por me idenë e qartë se i nevojitet një marsh më shumë që nga edicioni i ardhshëm.
Për këtë arsye, në klub ka nisur menjëherë merkato, duke menduar për të ardhmen dhe përtej afrimeve të emrave cilësorë, është bërë e qartë se cilët janë ata futbollistë të cilët nuk do të jenë pjesë e projektit.
“Klubi ndërpret bashkëpunimin me lojtarët Neziri, Beci, Biba, Danaj, Ramilli, Oduro, Bega, Alan Sander dhe zv.trajnerin Alket Kruja. Duke i falënderuar për kontributin me fanellën tonë si pjesë e suksesit në kurorëzimin kampion sezonin e sapo mbyllur dhe sa më shumë suksese në karrierën sportive në vijim”, shkruhej në njoftimin e lezhjanëve.
Ata kësisoj kanë mbyllur marrëveshjen me një numër të konsiderueshëm lojtarësh nga edicioni i kaluar, të cilët do i zëvendësojnë në ditët në vijim.
