Shkruar nga Maringlen ZHIVANI
Pas përfundimit të sezonit, grupimi i tifozëve “Vllaznit Ultras” ka përcjellë një mesazh të fortë besnikërie ndaj Vllaznisë, duke treguar se mbështetja për ngjyrat kuqeblu mbetet e palëkundur pavarësisht zhgënjimeve sportive. Në reagimin e tyre thuhet:
“Shumë vite pa gëzu, por prapë jena ktu! Mercenarët që erdhën të ikin, ata që deshtën kyt fanellë të rrijnë. Dje, sot, nesër, PËRGJITHMONË VLLAZNIA!”
Mesazhi është një thirrje e qartë për më shumë identitet te skuadra, ndërsa vë në pah lidhjen e fortë që tifozët vazhdojnë të kenë me fanellën kuqeblu, pavarësisht zhgënjimeve të njëpasnjëshme.
Edhe pas një sezoni që nuk solli trofe, mesazhi i tifozëve mbetet i njëjtë: rezultatet kalojnë, por dashuria për Vllazninë mbetet përgjithmonë.
