Ditën e djeshme ka qenë Gazeta “Shkodra Sport” e para që dha lajmin se sulmuesi shkodran Antonio Delaj që e mbylli marrëveshjen me Elbasanin, do të transferohej tek Besëlidhja. Madje, kjo e fundit do të paguante edhe një shumë prej 10 mijë eurosh për kartonin e tij.
Ndërkohë ditën e sotme ka qenë vetë klubi lezhjan që e ka prezantuar atë. Nga sa mësohet, 22 vjeçari shkodran do të jetë pjesë e kësaj skuadre për dy sezonet e ardhshme.
Ka qenë vetë trajneri Elvis Plori që e ka kërkuar këtë futbollist pasi ia di mirë vlerat dhe tre sezone më parë të dy ata u patën shpallur kampionë të Shqipërisë me ekipin Vllaznia U21. Më pas Delaj provoi të luante me ekipin e parë të Vllaznisë, por nuk gjeti hapësirat e duhura dhe për këtë arsye u transferua në Elbasan.
Por edhe atje e njëjta situatë dhe vetë lojtari ka kërkuar të largohet pPor edhe atje e njëjta situatë dhe vetë lojtari ka kërkuar të largohet për të gjetur një skuadër ku të luantë rregullisht dhe kjo ishte arsyeja kryesore pse zgjodhi Besëlidhjen.
Burimi: Gazeta “SHKODRA SPORT”
