Shkruar nga Gjergj KOLA
Në mesjavë dhe kontributin e tij në kualifikimin ndaj Rapidit të Vjenës dhe kalimit të Hearts në fazën e grupeve të “Conference League”, ndërsa mbrëmë futbollisti shkodran Sabah Kerjota ka qenë sërish në fushë për skuadrën e tij- Hearts.
Në ndeshjen e kampionatit skocez të futbollit në mes Hearts dhe St. Johnstone, 25 vjeçari i lindur në Shkodër ka qenë titullar nga minuta e parë në fushën e lojës dhe ka qëndruar deri në minutën e 81-të kur është zëvendësuar nga ana e trajnerit të tij.
Një tjetër performancë e mirë e ish- futbollistit të Akademisë Vllaznia që e ka nisur në mënyrën më të mirë të mundshme këtë sezon të ri në elitën e futbollit skocez. Në tre ndeshjet e luajtura deri tani, ai e ka nisur si titullar dhe kjo tregon se Kerjota do të jetë gjithnjë e më shumë protagonist këtë sezon.
Sa i takon ndeshjes, Hearts ka fituar me rezultatin 3-1 duke treguar edhe njëherë tjetër se ashtu si sezonin e kaluar, do jetë një nga protagonistet për titullin kampion sërish.
Burimi: Gazeta “SHKODRA SPORT”
