Vllaznia e basketbollit të meshkujve është gati për startin e kampionatin. Ndeshjen e parë të tij do ta luajë pasditen e sotme teksa në orën 18:00 do të presë në pallatin e sportit “Qazim Dervishi” ekipin e Elbasanit.
Kuptohet që duke parë edhe emrin e kundërshtarit, objektivi i vetëm është nisja e kampionatit me fitore megjithatë duhet parë se çfarë do të prodhojë fusha e lojës por edhe duhet pritur për të parë ekipin e Elbasanit në fushë sepse nuk kanë njohje të tij deri më tani.
Ndërkohë trajneri i Vllaznisë Eni Llazani pas përforcimeve që skuadra ka bërë me marjen e gjashtë lojtarëve të huaj, apo dhe të Memçajt nga Teuta si dhe me rinovimin e kapitenit Shestani, duket më i qetë dhe tashmë duhet shumë punë për të bërë harmonizimin e lojtarëve të sapoardhur me njëri- tjetrin.
Për momentin ende nuk ka objektiva të deklaruara por me siguri që ekipi shkodran e ka si detyrim përfshirjen në zonën play- off dhe më pas duhet të shohë se deri ku do të shkojë.
Burimi: Gazeta “Shkodra Sport”
