Dy futbollistët shqiptarë po bëjnë mjaft mirë në Premier Ligë, ku kanë hyrë në top 10-shen e futbollistëve që kanë kontribuar me më shumë pasime për ekipet e tyre. Granit Xhaka i Arsenalit ndodhet në vend të tretë për lojtarin i cili ka kryer më se shumti pasime ne këtë sezon me 1053 të tilla.
Sipas gazetës “Bleacher Raport”, një lojtar tjetër i topçinjve të Londrës bën pjesë në “top 10”. Shkodran Mustafi, shqiptari që përfaqëson kombëtaren Gjermane, ka kompletuar gjithsej 830 pasime këtë sezon duke mbyllur klasifikimin ne vendin e 10-të. Vendin e parë e mban blerja më e re e këtij sezoni nga Çelsi, ish-lojtari i Napolit, Zhorzhinjo me 1237 pasime të kompletuara.
