Kristal Abazaj mendon se mes skuadrave që meritojnë të urohen në këtë sezon për atë që kanë dhuruar, në radhë të parë është Vllaznia. I ftuar në “Procesi Sportiv” ai ka folur edhe për Kombëtaren dhe faktin se aty e meritonte të ishte pjesë edhe shoku i tij i skuadrës te Istanbulspor, Eduard Rroca.
“Unë mendoj se kam bërë një sezon fantastik, kam bërë mjaft mirë në aspektin personal. Nuk u kurorëzua me ngjitjen por në aspektin personal ishte shumë i mirë.
Vlerësim për një na ekipet e Superiores? Them Vllaznia. Mbi të gjitha e uroj për Kupën. Kanë bërë një kampionat fantastik, edhe pse ishin 9 pikë larg e në fund nuk arritën ta kurorëzonin me fitimin e titullit, i përgëzoj për një kampionat shumë të mirë.
Kombëtarja me Uellsin? Unë kam qenë aty, janë shokët e mi, nuk dua të jap koment. Mund të them vetëm se në fazën defensive ishte mirë, ishte e fortë. Sa i përket sulmit, e tentuam disa herë po kaq.
Rroca ka bërë kampionat fantastik këtë vit, u dëmtua në fund. Deri diku e meritonte një ftesë, pse të mos ishte edhe ai në miqësore, se ka bërë një kampionat fantastik”, u shpreh Abazaj. /vipsport/
