Oshilacionet nga ndeshja ne ndeshje por edhe ato brenda nje ndeshje siç ndodhi ne ndeshjen e fundit ndaj Teutes, kane bere qe Vllaznia te leshoje ne renditje dhe pikerisht prej saj, specialisti i njohur i futbollit Shpetim Duro te mos e llogarise ate me pretendente per titullin kampion.
Gjate analizes se perjavshme ne emisionin “Sport News”, ai e vlereson si jo pozitive problematiken qe ka shfaqur skuadra ne manovrem difensive.
Une qe ne fillim te sezonit kam deklaruar qe Vllaznia do te jete pretendentja kryesore per fitimin e titullit kampion dhe nese ajo sot eshte 13 pike larg kreut, pergjigjen e gjen tek ndeshja e saj e fundit ndaj Teutes.
Oshilacione te jashtezakonshme nga ndeshja ne ndeshje, por oshilacion i jashtezakonshem edhe brenda lojes. Pra nje Vllazni spektakolare ne veprimet sulmuese dhe kjo eshte e justifikuar sepse te kesh lojtare si Latifi, Da Silva, Djurdjevic etj ne pjesen perpara, veprimet sulmuese do jene gjithmone pozitive.
E filloi shume mire ne pjesen e pare, por mori dy gola me pas dhe nese do te kishte qene nje skuader tjeter ne vend te Teutes, do ta kishte ndeshkuar edhe me shume Vllaznine. Pra keto oshilacione brenda lojes, mes faze mbrojtese dhe asaj sulmuese, kane bere qe Vllaznia te jete kjo qe eshte, shume larg Tiranes.
Ne fazen sulmuese kemi nje skuader te shkelqyer, por nuk eshte kjo formula e duhur per te fituar kampionatin. Ndeshja e kesaj jave do te jete shume interesante. Partizani do te kerkoje te tregoje forcen e tij edhe perballe Vllaznise.
Partizani eshte me i qete sa i takon objektivave te tij, ndersa Vllaznine e mundon serish ajo puna e kreut. E shoh si nje ndeshje per te treguar vertete vlerat e veta secila prej ketyre skuadrave. Megjithate, une e them me bindje se tashme Vllaznine nuk e llogaris me aspak per titullin kampion, por per vendin e dyte e te trete po”./SHKODRA-SPORT.COM/
