Armando Broja ia doli edhe sot ta dërgonte topin në rrjetë. Në sfidën që Southampton barazoi 2-2 në transfertë me Crystal Palace, sulmuesi shqiptar do gjente golin e 1-2 për avantazhin dhe përmbysjen e përkohëshme të Shenjtorëve.
Djaloshi në katër ndeshje si titullar ka gjetur gjashtë gola për Southampton, katër nga të cilët në Premier League. Broja bëhet lojtari i parë në moshën 20 vjeçare që ia del të vendosë një rekord të tillë, duke mos u ndalur me kaq.
Gjatë këtij sezoni, lojtari që është në pronësi të Chelsea dhe I huazuar te Southampton, ka shënuar më shumë se Lukaku (3), Havertz (2) dhe Werner (1).
Padyshim qe nje ecuri e tille e djaloshit me origjine nga Malesia e Madhe do ta ndihmoje ne karrieren e tij dhe nuk perjashtohet mundesia qe te kthehet tek Chelsea qe ne merkaton e janarit.
