Më në fund vjen momenti që gjërat për sportin shkodran kanë filluar të lëvizin. Ditën e djeshme, Bashkia Shkodër ka hapur thirrjen për mbështetjen e shoqatave sportive të qytetit. Qëllimi i kësaj nisme është promovimi dhe zhvillimi i sporteve në nivel lokal, rritja e pjesëmarrjes aktive të komunitetit, përforcimi i ekipeve zyrtare të Vllaznisë në disiplinat e ndryshme sportive si dhe rritja e cilësisë sportive.
Kjo thirrje ofron mundësi për shoqatat sportive të përfitojnë grante për projekte që kontribuojnë në: Zhvilimin e sportit profesionist në territorin e Bashkisë Shkodër.
Fondi i miratuar në buxhetin e vitit 2026 për mbështetjen e këtyre shoqatave, ka qenë i njëjtë me atë të një viti më parë, pra 440 milionë lekë të vjetra. Por dilema ka qenë se si do të ndahej ky fond. Një gjë e tillë është mësuar pas thirrjes së hapur të bërë nga institucioni i pushtetit lokal ditën e djeshme.
Kështu fondi do të ndahet si më poshtë:
Atletikë – 5,500,000
Basketboll – 10,600,000
Boks – 6,000,000
Çiklizëm – 2,350,000
Futboll Femra – 2,000,000
Futsal – 800,000
Gjimnastikë – 800,000
Mundje – 800,000
Not – 600,000
Peshëngritje – 800,000
Ping Pong – 600,000
Shah – 600,000
Taekwondo – 950,000
Volejboll – 10,600,000
Xhudo – 1,000,000
Data e fundit e aplikimeve do të jetë më 27/02/2026 dhe Këshilli Artistiko-Kulturor i Bashkisë Shkodër do të mblidhet me datën 02/03/2026 ndërsa shpallja e fituesit do të bëhet deri me datë 02/03/2026. Fituesi do të njoftohet publikisht nga Bashkia Shkodër.
