Gianluigi Buffon ka pranuar se treshja sulmuese e Liverpool ështyë më e mirë se Neymar me shokë në prag të ndeshjes vendimtare të Champions League që PSG do të luajë kundër Liverpool në Paris.

Portieri legjendar ka thënë se Mane, Firmino dhe Salah është treshja sulmuese më e mirë në botën e futbollit.

Duke folur për “Mirror”, ai ka thënë: “Gjatë karrierës sime kam dashur gjithmonë ta provoj veten kundër më të mirëve dhe, për momentin, Liverpool ka treshen më të mirë sulmuese në Europë”.

“Barcelona, Juventus dhe City besoj se janë favoritët për të fituar në këtë sezon të Champions. Liverpool do të ketë një shans të madh dhe nuk mund të përjashtohet as Real Madrid”, ka përfunduar ish-numri një i Juventus.