Sinan Bardhi jep dorëheqjen e parevokueshme nga pankina. Edhe pse Besëlidhja fitoi bindshëm përballë Veleçikut në Lezhë, barazimi që mori Vora ndaj Partizanit B e la zyrtarisht jashtë zonës “play off”.
Dalja nga objektivat ka detyruar trajnerin që të largohet nga stoli dhe këtë e konfirmoi enkas për “Panorama Sport”.Megjithatë, tiranasi evidenton se skuadra e tij u “dogj” prej aleancave.
“Më shumë se loja, Besëlidhjen e ulën në minigrupin e mbijetesës aleancat. Ndaj, nuk kishim mundësi që të mbijetonim në zonën e ‘play off’- it. Duke falënderuar klubin, futbollistët dhe tifozërinë, unë jap dorëheqjen e parevokueshme si trajner i Besëlidhjes.
Skuadrës lezhjane i uroj suksese në luftën për mbijetesë dhe në të ardhmen drejt objektivave të saj”, përfundoi numri një i pankinës kryeqytetase. Mbetet për t’u parë se kush do të jetë pasuesi i tij, megjithatë ditën e sotme do të ketë ndonjë zhvillim më konkret.
