Bledi Shkëmbi, i ftuar i përhershëm në “Elite Show” u fokusua te fitorja e fundit e Skënderbeut 3-4 në fushën e Tiranës. Sipas ish-kapitenit bardhekuq, skuadra që drejtohet nga Gvozdenovic meriton komplimente për futbollin që po luan.
“Skënderbeu i tanishëm Meriton komplimente. Dua ta lidh me mënyrën e të luajturit futboll. Skënderbeu është aty dhe çdo javë e ka luftë. Nëse Skënderbeu nuk do të ketë probleme me mbijetesën, është i suksesshëm.”
Skënderbe superior ndaj Tiranës: “Ndaj Tiranës m’u duk ai Skënderbeu që luan futboll të bukur në fusha të mira. Duket që shiriti i kapitenit i ka dhënë më shumë vetëbesim Liços.
Ndoshta është mesfushori më i mirë për momentin, por bën ndryshimin. Besimi dhe ana psikologjike më ranë në sy te ndeshja me Tiranën.”
