Gasperini ka marrë një lajm të mirë ditën e sotme, teksa mbrojtësi i kombëtares shqiptare, Berat Gjimshiti ka “shkelmuar” dëmtimin dhe tashmë pritet të jetë gati për ndeshjen që Atalanta do të luajë me Leipzig në çerekfinalen e kthimit në Europa League.
Mbrojtësi i bergamaskëve u dëmtua në ndeshje me Napolin që u zhvillua në Seria A më 3 prill, teksa tashmë do të jetë një “armë” plus për teknikun e skuadrës italiane ndaj gjermanëve në Europa League.
Në sfidën e parë ndaj gjermanëve, italianët nuk shkuan më shumë se barazimi 1-1, megjithatë në shtëpi do të kërkojnë të marrin maksimumin për të prerë biletën e gjysmëfinales.
