Vllaznia do ta nisë vitin 2026 me ndeshjen e parë, atë të vlefshme për Kupën e Shqipërisë. Siç është bërë e ditur, kundërshtar i saj në këtë tur të këtij kompeticioni do të jetë Pogradeci. Ky i fundit vërtetë merr pjesë në kategorinë e parë, por është një nga pretendentët për në Superligë dhe si rrjedhojë duhet patur kujdes ndaj tij.
Sektori i Garave pranë Federatës Shqiptare të Futbollit ka vendosur që kjo ndeshje të luhet të shtunën e datës 10 janar në ora 16:00 në stadiumin “Loro Boriçi”.
16 skuadra do të zbresin në fushë për ndeshjet e vlefshme për raundin e 3-të. 3 sfida do të zhvillohen në orën 13:00, 4 do të luhen në orën 16:00, ndërsa për duelin Dinamo-Besa nuk është vendosur ende orari. Ndeshjet e këtij turi do të luhen vetëm me një takim dhe skuadra që fiton kalon në turin tjetër.
E shtunë 10.01.2026
Dinamo-Besa(i pa caktuar orari)
Tirana-Skënderbeu(13:00)
Partizani-Burreli(13:00)
Bylis-Laçi(13:00)
Teuta-Vora(16:00)
Vllaznia-Pogradeci(16:00)
Egnatia-Apolonia(16:00)
Elbasani-Flamurtari(16:00)
