Antonio Cassano u intervistua në Radio Kiss Kiss, ku mori pjesë në një ndeshje në të cilën u ‘detyrua’ të zgjidhte midis vetes dhe disa lojtarëve të Serie A.
Ish-sulmuesi italian ka bërë disa deklarata të forta në krahasimet mes tij dhe lojtarëve më të mirë aktualë, duke e cilësuar veten më të mirë se të gjithë.
“Midis meje dhe Castros, kë do të zgjidhja? Cassanon, ose më saktë unë, luaja një sport tjetër. Davis nga Udinese dhe Isaksen nga Lazio? Unë këmbëngul, unë patjetër kam luajtur një sport tjetër. De Ketelaere i Atalantës? Ai është i fortë, më pëlqen, por unë prapë zgjedh Antonio Cassanon”, ka thënë fillimisht Cassano.
“Nico Paz? Më pëlqen shumë, është shumë i fortë: është talenti i ri më i fortë në Serie A , por unë isha shumë më i fortë. Dybala? Jam më i fortë me këmbën e majtë”.
“Yildiz? Cassano është në një nivel tjetër. McTominay? A të bëjmë supë? Cassano luante një sport tjetër. Rafa Leao? Jam më i fortë vetëm me këmbën e majtë, jam në një ligë tjetër. Lautaro? I fortë, pa dyshim, më pëlqen shumë, por unë zgjedh Cassanon”, përfundoi ish-sulmuesi italian. /Telegrafi/
