BASKETBOLL

Basketbollistët shkodranë kanë arritur një fitore të shkëlqyer mbrëmjen e sotme ndaj Tiranës dhe me rezultatin e përgjithshëm 3-0 janë shpallur kampionë të Shqipërisë për sezonin 2014-15. Ndonëse shumëkush ka menduar se festa duhej shtyrë për të premten mbrëma për t'u zhvilluar në "Qazim Dervishi", kuqeblutë nuk kanë dashur të jetë kështu. Ato kanë fituar sonte në Tiranë ndaj skuadrës me të njëjtin emër me rezultatin 71-58 duke mbylluar gjithçka. Ndeshja ka nisur më mirë për bardheblutë që e fituan periodën e parë në shifrat 14-12 por vetëm kaq sepse në të dytën Vllaznia do "zgjohej".

Vllaznia në basketboll për meshkuj ka fituar edhe ndeshjen e dytë finale të kampionatit ndaj Tiranës dhe tashmë është shumë pranë shpalljes kampione e vendit për këtë sezon. Ky takim është luajtur pasditen e së premtes në pallatin e sportit “Qazim Dervishi” që ka qenë sërish I tejmbushur me sportdashës.

Basketbollistët e Vllaznisë kanë fituar mbrëmë nga Kamza Basket në ndeshjen e tretë gjysmëfinale dhe kanë siguruar daljen në turin final të kampionatit përballë Tiranës. Ndeshja është mbyllur në shifrat 81-69 por ajo që duhet thënë është se atmosfera e krijuar në pallatin e sportit "Qazim Dervishi" ka qenë vërtetë entuziaste teksa 1500 të pranishmit kanë krijuar një ambjent vërtetë fantastik.

Ndeshja e tretë dhe e fundit gjysmëfinale e kampionatit kombëtar të basketbollit për meshkuj në mes Vllaznisë dhe Kamza Basket, do të zhvillohet në Shkodër. Tashmë nuk ka më dilema sepse kjo është vendosur. Ndonëse ishte në dyshim zhvillimi i saj në Shkodër, është gjendur një zgjidhje dhe ajo do realizohet. Ekipi i Kamzës dhe vetë Federata nuk kanë pranuar që ta shtyjnë ndeshjen për të dielën dhe i kanë vënë kusht ekipit të Vllaznisë për të gjetur një fushë tjetër për të luajtur të shtunën. Të gjendur përballë kësaj kërkese, shkodranët kanë negociuar me organizatorët e Memorialit të boksit dhe ata kanë rënë dakord që t'i spostojnë ndeshjet finale nga ora 17.00 siç ka qenë planifikuar, në orën 14.00.

Ekipi I Vllaznisë në basketboll për meshkuj nga dita e sotme është grumbulluar në Ulqin për t’u përgatitur atje për ndeshjen e rradhës me Kamza Basket. Ka ndodhur kështu sepse basketbollistët shkodranë nuk kanë ku të stërviten për shkak se pallati I sportit “Qazim Dervishi” është I zënë me Memorialin e boksit. Ndërkohë, e reja më e fundit që ka të bëjë me ekipin e Vllaznisë ka të bëjë me faktin se presidentin Sokol Dibra ka ofruar pranë stafit edhe një trajner malazez. Ai do të punojë bashkë me trajnerin Bledar Gjeçaj dhe të dy sëbashku do të bashkëpunojnë për të bërë më të mirën në mënyrë që skuadra të kalojë fillimisht në finale dhe më pas të fitojë edhe ndaj Tiranës dhe të shpallet sërish kampione e vendit.

Vllaznia në basketboll për meshkuj është mundur thellë nga ekipi Kamza Basket në ndeshjen e dytë gjysmëfinale të kampionatit. Ajo është zhvilluar pasditen e djeshme në sallën sportive të Kamzës dhe vendasit kanë fituar me rezultatin e thellë 88 me 47. Me fitoren e Kamzës, tashmë rezultati I takimeve ka shkuar në 1 me 1 dhe për të përcaktuar skuadrën e dytë finalist, do të luhet edhe një takim I tretë në Shkodër. Ky takim sipas kalendarit paraprak duhej të luhej të premten pasdite në pallatin e sportit “Qazim Dervishi” por meqenëse ky impiant sportiv deri të shtunën është I zënë me Memorialin Ndërkombëtar të boksit, atëherë mbetet për t’u luajtur pasditen e së dielës.

Fitore dramatike e ekipit të Vllaznisë mbrëmjen e sotme në ndeshjen e parë gjysmëfinale ndaj Kamza Basket. Kuqeblutë kanë arritur të fitojnë vetëm në shtesë me rezultatin 79-77. Ndeshja ka dhuruar shumë emocione në pallatin e sportit "Qazim Dervishi" të mbushur plot e përplot nga sportdashësit. Megjiathatë ekipi vendas nuk është ngjitur dot në lartësinë e duhur. Perioda e parë është fituar nga Kamza 19-10 ndërsa në të dytën Vllaznia korigjon diçka duke fituar 24-16 megjithatë në pushimin e ndeshjes, miqtë udhëheqin me një pikë avantazh. Fillimi i periodës së tretë është më i mbarë për vendasit që për herë të parë kalojnë në avantazh këtë ndeshje por vetëm kaq sepse ndeshja do ketë shumë rivalitet. Rezultati kalon sa në favor të njërës skuadër aq të tjetrës.

Të premten në Shkodër do të luhet ndeshja e parë gjysmëfinale e kampionatit kombëtar të basketbollit për meshkuj në mes Vllaznisë dhe Kamza Basket. Ekipi kuqeblu natyrisht që do të tentojë të marrë fitoren dhe njëri nga titullarët e tij, pikërisht Gjon Ndoja, në një intervistë për gazetën shkodrasport.com ka bërë të ditur se janë përgatitur për ta kaluar me sukses këtë ndeshje dhe për të kaluar në finale të këtij kompeticioni. "Kemi ditë që përgatitemi për këtë ndeshje. Kuptohet që jemi munduar të korigjojmë gabimet e bëra në ndeshjen e kaluar me Kamzën dhe mendoj se në ndeshjen e së premtes, nuk do t'i paraqesim sërish ato.

Vllaznia në basketboll për meshkuj e ka kaluar me sukses edhe provën e fundit në prag të ndeshjeve të plej- ofit. Në ndeshjen e fundit të fazës së dytë të kampionatit, atë të luajtur ndaj Partizanit pasditen e së shtunës, basketbollistët shkodranë kanë fituar me rezultatin e thellë 95 me 52 ndaj ekipit të Partizanit. Loja është dominuar gjatë gjithë kohës prej tyre dhe në këtë takim është rikthyer pas dëmtimit edhe basketbollisti Ndoja e po ashtu ka luajtur edhe Llazani. Këto janë sinjale positive për skuadrën në prag të sfidave më të rëndësishme të kampionatit.

Basketbollistët e Vllaznisë janë mundur pasditen e sotme brenda në Shkodër nga kundërshtari i tyre i gjysmëfinales së play off-it, Kamza Basket. Në fund të takimit të luajtur në "Qazim Dervishi" është fiksuar rezultati 82-75 për miqtë që e kanë merituar fitoren. Ato e kanë udhëhequr rezultatin nga sekonda e parë e deri në fund. Në fakt tek shkodranët pritej me interes kjo ndeshje ngaqë do të aktivizohej për herë të parë me to edhe amerikani i dytë i sapoardhur Anthony Booker por në fakt paraqitja e tij e parë ka qenë zhgënjyese.