BOKS

Një nga dy boksierët e kombëtares shqiptare që zunë vende të para në Memorialin e 11-të ndërkombëtar “Vllaznia 2014”, të zhvilluar fundjavën që shkoi në Shkodër, ka qenë edhe boksieri I Vllaznisë Kristian Shytani. Ai I ka sfiduar të gjithë kundërshtarët e peshës 64 kilogramë duke merituar kësisoj në fund të aktivitetit medaljen e artë. Në një prononcim për mediat, vetë Shytani është shprehur I kënaqur për këtë arritje të rradhës për të dhe njëkohësisht ka deklaruar se objektivat e tij për të ardhmen janë edhe më të mëdha.

Në Shkodër janë duke u bërë përgatitjet e fundit për Memorialin ndërkomëbëtar të boksit “Vllaznia 2014”. Që mbrëmë kanë filluar të mbërrijnë boksierët nga vendet e ndryshme të botës ndërkohë që kombëtarja shqiptare është e grumbulluar dhe tashmë çdo gjë duket gati për këtë pjesmarrje. Zëvendëstrajneri I kombëtares sonë, Jozef Sermi, në një intervistë për gazetën shkodrasport.com ka shpjeguar edhe disa nga detajet e Memorialit të 11-të që do startojë të premten në pallatin e sportit “Qazim Dervishi” dhe do zgjasë për tre ditë me rradhë.

Kombëtarja shqiptare e boksit do të grumbullohet pasditen e së dielës në Shkodër, në përgatitjet e fundit për pjesmarrjen në Memorialin Ndërkombëtar “Vllaznia 2014” që do të zhvillohet javën e ardhshme. Kjo bëhet e ditur nga stafi drejtues I këtij ekipi I cili ka kohë në fakt që po punon për përzgjedhjen e sportistëve më të mirë që do të përfaqësojnë vendin tonë në këtë aktivitet të rëndësishëm ku do marrin pjesë boksierë nga disa vende të botës. Në fakt ende nuk është përcaktuar përbërja e plotë e kombëtares sonë sepse pritet konfirmimi përkatës I të gjitha vendeve pjesmarrëse për numrin e boksierëve që do sjellin dhe në bazë të tyre pastaj, do të bëhet plotësimi I peshave me boksierët tanë.

Pas mbylljes së finaleve të basketbollit, një tjetër aktivitet I rëndësishëm sportiv do të nisë në Shkodër. Bëhet fjalë për turneun e 11-të ndërkombëtar të boksit “Vllaznia 2014”. Organizatorët janë në hapat e fundit të përgatitjeve për këtë aktivitet shumë të rëndësishëm. Njëri nga njerëzit që ka meritë të veçantë në këtë aktivitet, trajneri I mirënjohur Zef Gjoni, në një intervistë për gazetën www.shkodrasport.com ka bërë të ditur edhe shtetet pjesmarrëse në Memorialin e sivjetëm.

Ka nisur në Sofje të Bullgarisë Kampionati Botëror I boksit për 18 vjeçarë. Në këtë eveniment shumë të rëndësishëm merr pjesë edhe kombëtarja shqiptare e përbërë nga 5 sportistë dhe e drejtuar nga trajnerët Zef Gjoni e Jozef Sermi. Madje, ditën e djeshme është zhvilluar edhe ndeshja e parë teksa në ring është ngjitur vlonjati Krenar Zeneli. Ai është ndeshur me një boksier nga Kirkistani dhe nuk ka mundur dot të fitojë ndaj tij duke bërë kështu që të heqë dorë nga vazhdimi I mëtejshëm në këtë botëror. E nëse ai nuk do ketë mundësi të vazhdojë të konkurrojë më, katër boksierët e tjerë do të kenë sërish shanse.

Rexhildo Zeneli dhe Jurgen Uldedaj janë dy boksierët shqiptarë që janë përzgjedhur nga Federata Botërore e Boksit për t’iu bashkuar grupit prej 48 sportistesh që federata ndërkombëtare do të grumbullojë për një stërvitje të përbashkët para nisjes së kampionatit botëror, që do të zhvillohet në Sofje të Bullgarisë. Kjo është hera e parë që Shqipëria përzgjidhet për të qenë në elitën e boksit për të rinj. Dy talentet e boksit shqiptarë janë nisur mëngjesin e djeshëm drejt Bullgarisë së bashku me trajnerin e Kombëtares së boksit, Jozef Serrmi. Shqipëria do të përfaqësohet në kampionatin botëror të boksit që do të zhvillohet në muajin prill me 5 boksierë, të cilët do t’i bashkohen grupit pak para nisjes së aktivitetit më datë 15 prill në Sofje.

Boksierët e Vllaznisë kanë përfaqësuar vendin tonë në një turne të zhvilluar në Komunën e Bujanovcit të Luginës së Preshevës. Kanë qenë pjesmarrës në këtë aktivitet sportistët Ronildo Pirani, Asmer Bilali, Emiliano Çekini dhe Emanuel Kaçaj. Ne kete aktivitet kane marrë pjesë përveç boksierëve të kombëtares shqiptare, edhe boksierë nga Serbia, Kosova dhe Sllovenia. Në fund, boksieri I Vllaznisë Emiliano Çekini ka marrë edhe kupën e boksierit më të mirë të aktivitetit. Në një intervistë për gazetën www.shkodrasport.com, ai ka shprehur kënaqësinë për këtë sukses të arritur.

E ndërsa kombëtarja shqiptare e boksit për 18 vjeçarë ka hyrë në përgatitjet e fundit për kampionatin botëror që zhvillohet muajin e ardhshëm në Bullgari, problem ka dalë gjetja e fondeve për udhëtimin drejt këtij vendi. Kjo ngaqë fondet e Federatës së boksit nuk hapen deri në muajin maj, ndërkohë që presidenti I saj, Gjergj Leqejza duket se ka deklaruar që nuk do paguajë për këtë gjë. Në rrethana të tilla, trajneri I kombëtares Zef Gjoni, në një prononcim për mediat është shprehur I indinjuar në lidhje me një situatë të tillë.

Muajin e ardhshëm në Sofje të Bullgarisë do të zhvillohet Kampionati Botëror I boksit për 18 vjeçarët. Një aktivitet shumë I rëndësishëm në të cilin do të marrë pjesë krahas shumë shteteve nga e gjithë Bota, edhe Shqipëria. Për këtë, ditën e djeshme Federata Shqiptare e Boksit ka përcaktuar edhe përbërjen e ekipit tonë kombëtar. Edhe këtë herë ai do të drejtohet nga trajneri I mirënjohur Zef Gjoni që do të ketë përkrah edhe trajnerin tjetër shkodran Jozef Sermi. Ndërkohë në përbërje të ekipit do të jenë 5 boksierë, përgatitjet e të cilëve në fakt kanë kohë që kanë nisur në Shkodër.

Boksierët e Vllaznisë janë kthyer me dy medalje të arta nga Mali I Zi. Krenar Zeneli dhe Syrjan Marinaj, kanë zënë vende të para në peshat respektive, në turneun ndërkombëtar të zhvilluar për dy ditë me rradhë në fundjavën që lamë pas pikërisht në qytetin e Hercegnovit të vendit fqinj. Shumë pranë fitores ka qenë edhe boksieri tjetër pjesmarrës, Kristian Shytani që për fatin e tij të keq është dëmtuar që në raundin e parë të ndeshjes finale duke mos u lejuar nga mjeku I ringut për të vazhduar garën. Megjithatë, paraqitjet e Zenelit dhe Marinajt, kanë qenë vërtetë mbresëlënëse.