FUTBOLL - KATEGORIA E PARE

Ish-trajneri I Adës në futbollin e meshkujve dhe tashmë trajner I ekipit të femrave Juban Danja, pikërisht Kreshnik Krepi është fare pranë nënshkrimit të një kontrate me një klub në Australi. Bëhet fjalë për Heidelberg Eagles, që merr pjesë në kategoritë e ulëta të futbollit të këtij vendi. Krepi prej 3 javësh, menjëherë pasi fitoi Kupën e Shqipërisë në futboll për femra me Juban Danjën, ka udhëtuar drejt Australisë, me ftesë të këtij klubi për të negociuar rreth mundësisë së bashkëpunimit me të. 30 vjeçari shkodran që I ka hyrë shumë herë fushës së trajnimit, ka një emër të mirë tashmë falë punës që ka bërë me ekipet ku ka punuar. Kontaktet me klubin Australian I janë ndërmjetësuar nga një I afërm I tij dhe palët kanë rënë dakord mesa merret vesh për firmosjen e një kontrate për sezonin e ardhshëm.

Të gjithë prisnin fitoren e skuadrës së Adës në ndeshjen e sotme ndaj Ilirisë së Fushë- Krujës por nuk ka ndodhur kështu. Ndonëse ndeshja është luajtur në Velipojë, vendasit nuk kanë shkuar më tepër se barazimi 1-1. Madje të parët kanë kaluar në avantazh miqtë ndërsa ka barazuar me anë të Pukës po në pjesën e parë të ndeshjes. Përpjekjet e Adës për të shënuar edhe golin e dytë dhe të fitores kanë qenë të shumta por futbollistët e saj nuk kanë arritur dot tek goli.

Ndeshja e humbur në mënyrë  të padrejtë ndoshta javën e kaluar në Kavajë ndaj Besës tashmë është lënë njëherë e mirë prapa dhe drejtuesit e futbollistët e Adës së Velipojës, kanë filluar të mendojnë për ndeshjen e rradhës, atë që do luhet këtë të shtunë në fushën sportive “Adriatik”  të Velipojës. Për trajnerin e kësaj skuadre Samuel Nikaj, ky takim konsiderohet më i vështirë se ai shumë të tjerë që janë luajtur ndaj skuadrave pretendente ngaqë futbollistët e mendojnë punë të kryer fitoren. Prandaj në prononcimin e tij për gazetën online www.shkodrasport.com, trajneri i Adës ka bërë thirrje për kujdes dhe përkushtim maksimal të futbollistëve të tij.

Duket se Besëlidhja e ka të qartë se nëse nuk fiton këtë fundjavë ndaj Elbasanit, pozitat e saj për objektivat që ka për t’u ngjitur në Superligë, ndërlikohen mjaft. Prandaj stafi teknik i lezhjanëve me në krye Ridvan Kullin ka menduar se “arma” më e mirë për të arritur këtë, në transfertë, ndaj një skuadre me traditë siç është Elbasani, mbetet sulmi. Në ndeshjen e kontrollit, që Besëlidhja ka zhvilluar dje, si parapërgatitje për takimin me verdhëblutë elbasanas, ku edhe ka përcaktuar thuajse përfundimisht dhe formacionin anti-Elbasan, është vënë re se 11-shi bazë është i tëri me theks sulmues.

Klubi i Adës së Velipojës sot ka festë. Një nga futbollistët e saj më të rëndësishëm mbush 31 vjeç. Fjala është për shkodranin Edmond Doçi. Mesfushori i fuqishëm e plot energji kulmin e karrierës së tij e ka në vitet kur ishte pjesë e Vllaznisë. Shkodrani ka kontribuar në mesin e fushës duke qenë gjithnjë pjesë e formacionit të parë për sa kohë ka luajtur për kuqeblutë. Doçi është një futbollist i palodhur i cili gjithnjë është munduar për të dhënë më të mirën në fushën e lojës. Për Vllazninë ka qenë një nga futbollist kyç në ekip. Gjatë karrierës së tij ka qenë shpesh herë i pafat sepse ka provuar të dëmtohet rëndë në periudhat më të mira të tij si futbollist, gjë e cila gjithnjë e ka privuar duke ndalur disi hovin e tij në futbollin e luajtur.

Ndonëse ende nuk e ka zyrtarizuar largimin e tij nga fusha e blertë, ku luan prej më shumë se 15 sezonesh me radhë, duket se Safet Osja, një ndër mesfushorët më të mirë në kampionatin shqiptar në 15 vitet e fundit, këtë fazë të dytë të kampionatit do të ketë një detyrë dyfishe tek ada e Velipojës, pjesë e së cilës është prej dy sezonesh. Mësohet se presidenca e kësaj skuadre i kanë afruar atij postin e drejtorit teknik, jo vetëm për pjesën e mbetur të sezonit, por edhe për në vazhdimësi. Kështu duket se tani, Osja, i “përforcon” akoma më shumë pozitat e tij tek skuadra velipojake, duke hedhur themelet si drejtues i ardhshëm për të qenë i suksesshëm ashtu si lojtarë dikur.

Javën që u mbyll ishte, jo vetëm njeriu i skuadrës lezhjane, por mund të konsiderohet me të drejtë dhe futbollisti i javës për Kategorinë e Parë. Shkodrani Albert Kaçi, një lojtarë mjaft i njohur në superligën shqiptare në 10 vitet e fundit, ku ka fituar kupa dhe kampionate me Vllazninë dhe Elbasanin, që prej dy muajsh është bërë pjesë e Besëlidhjes, duke dashur ta vërë gjithë potencialin dhe eksperiencën e tij në shërbim të këtij ekipi për të arritur objektivat e këtij sezoni, që është ngjitja në Superligë. Në javën që lamë e pas në përballjen me Skraparin në Lezhë, Kaçi e nisi ndeshjen nga stoli i rezervave, por zbriti në tapetin e gjelbërt vetëm pas 23 minutash, duke qenë deçiziv për ekipin e tij. dy golat e vetëm të kësaj ndeshjeje mbajnë “firmën” e tij, duke e ngjitur përsëri Besëlidhjen mes pretendentëve kryesorë.

Vetëm pak vite më parë, për çdo kukësian, apo për çdo sportëdashës anë e mbanë Shqipërisë, ekzistonte thjesht një ëndërr, që Kukësi mund të prentendonte ndonjëherë apo të ishte kaq pranë ngjitjen në Superligën Shqiptare, pra pjesë e rëndësishme e futbollit shqiptar. Por tashmë, një gjë e tillë duket se jo vetëm nuk mund të quhet më një ëndërr, por duket se do të jetë një realitet i bukur, aq më tepër në Superligë sezonin e ardhshëm. Kjo falë mbështetjes së fuqishme dhe pa rezerva të binezmenëve të qytetit veri-lindor, e kryesisht të treshes Ramë Gecit, Safet Gjicit dhe Flamur Hoxhës, pa lënë mënjanë, kurrsesi, edhe mbështetjen e pakursyer të Bashkisë së Kukësit me kryesor Hasan Halilajn.

Mes dy skuadrave duket se nuk ka ndonjë “dashuri” të madhe. Pas ndeshjes së fazës të parë të luajtur në Velipojë, pati jo pak akuza nga drejtuesit e Besës për miëkpritjen apo dhe kushtet në të cilat u zhvillua ndeshja. U duk se debati do mbyllej këtu por nuk ka ndodhur kështu. Të shtunën është zhvilluar ndeshja e kthimit në Kavajë dhe ka qenë Besa ajo që ka fituar ndonëse ka qenë një fitore me shumë mund ngaqë është golin e fitores e ka shënuar vetëm dy minuta përpara mbarimit të ndeshjes. Velipojakët nuk kanë patur vërejtje për këtë gol të shënuar por për mënyrën si ishte përgatitur ndeshja nga vendasit. Presidenti I tyre Alfred Pjetri për rredhojë ka mbetur shumë I zhgënjyer nga pritja e bërë.

Për fitoren ndaj Besës në Kavajë të shtunën që kaloi, ekipi i Adës ka patur një premio prej 3 milionë lekësh të vjetra akorduar nga drejtuesit e klubit. Premio madje ka patur edhe për barazim, teksa në rast të marrjes së tij, do akordohej gjysma e asaj të fitore, pra 1 milionë e gjysëm. Por për fat të keq, velipojakët nuk morën as njërën dhe as tjetrën premio teksa kanë qenë shumë pranë kësaj të dytës dhe vetëm 2 minuta para fundit, gjërat u prishën pas golit të shënuar nga kavajasit. Në bisedë me futbollistë dhe drejtues të Adës, marrim vesh se ata kanë patur mundësi edhe ta fitojnë ndeshjen pas barazimit 1-1 teksa janë humbur 2-3 raste të pastra.