KATEGORIA SUPERIORE

DEKLARATE PER SHTYP

KF VLLAZNIA sh.a. eshte njohur me nje shkrim ne nje te perditshme sportive, sipas se ciles nese “Vllaznia” nuk do te kishte fituar ne ndeshjen me “Dinamon”, diten e shtune, 17 dhjetor 2011, trajneri Rudi VATA do te largohej nga drejtimi i ekipit.

Lajmet që kanë qarkulluar ditët e fundit për një interesim të Vllaznisë për mbrojtësin brazilian të Bylisit Da Silva, janë pohuar edhe nga vetë presidenti i ekipit ballshiot Besnik Kapllanaj. Ai i pyetur në lidhje me këtë çështje është shprehur: "Vllaznia më ka kërkuar kartonin e Da Silvës por nuk do ua jap kollaj atë për vetë mënyrën si ky lojtar është larguar nga skuadra.

Tek Vllaznia kanë mbërritur sot për provë dy futbollistë të tjerë. Janë dy serbë të tjerë që do kërkojnë të kalojnë provën e të firmosin për këtë skuadër. Ata janë Vitomor Jeliç dhe Marko Aleksiç. Jeliç nga sa bëhet e ditur ka lindur në Serbi më 25.01.1982, është I gjatë 1.82 m dhe peshon 78 kg. Në karrierën e tij ka provuar të luajë në disa vende e së fundi në Azi në shtetin Miamar me ekipin e Zeyar Myay.

Opinion nga Mejdan ZHIVANI

Një ndeshje me dy “fytyra”, mund të konsiderohet për Vllazninë, ajo e zhvilluar mbrëmjen e së shtunës, në stadiumin “Loro Boriçi”, ndaj Dinamos. Këtë e tregoi më së miri edhe mënyra e zhvillimit të takimit dhe në fund, vështirësitë, që patën shkodranët për të marrë tre pikët.

Sikur të mos mjaftonte incidenti mes Vajushit të Vllaznisë dhe Lalës së Dinamos që solli edhe kartonat e kuq për të dy këta futbollistë, në ndeshjen e sotme ka patur edhe incidente të tjera. Lojtari i Dinamos Bekim Kuli, në një moment ka reaguar keq ndaj mbrojtësit të Vllaznisë Petroviç, më pas ka ofenduar publikun shkodran. E ka vazhduar me një debat me Belishën në fushën e lojës dhe për "t'i vënë kapakun", në fundin e ndeshjes, ndërsa i drejtohej dhomave të zhveshjes, ka ofenduar sërish tifozat shkodranë.

Grupimi i vetëm i tifozëve të Vllaznisë, ai me emërtimin "Vllaznit Ultras", dje kishte menduar një mënyrë shumë origjinale të të protestuarit ndaj FSHF-së në lidhje me gjykimin e ndeshjes së fundit, atë të luajtur në Kuçovë ndaj Tomorit ku Vllaznisë iu bënë shumë padrejtësi.Por protesta e tyre ka qenë dyfishe. Ata nuk janë lejuar nga drejtuesit e klubit Vllaznia për të qëndruar në vendin e tyre të zakonshëm pas portës ngaqë kjo tribunë ka qenë e mbyllur dhe në shenjë proteste, tifozët nuk kanë hyrë fare në stadium për të parë ndeshjen.

Mund të duket e pabesueshme por futbollisti anglez Xhemi Feniks ka kërkuar sërish që të rikthehej tek Vllaznia dhe të jetë pjesë e saj. Në një prononcim ekzkluziv për “Sport Ekspres”, Feniks ka bërë të ditur dëshirën e tij për t’u rikthyer sërish tek kuqeblutë. Ai tashmë kërkon që të shfrytëzojë lidhjet aktuale që ka me trajnerin e Vllaznisë, Rudi Vata. Ka qenë pikërisht, Vata menaxheri përsonal i këtij lojtari që e ka sjellë atë në Shkodër në sezonin futbollistik 2009-2010 kur skuadra dretohej nga trajneri Edi Martini. Në prononcimin e tij Feniks ka shprehur haptazi se dëshiron tashmë të jetë sërish në Shkodër por këtë herë I tranformuar plotësisht.

Tema “Sukaj” rikthehet sërish në kampin shkodran. Vetë lojtari pak ditë më parë shprehej se priste takimin me kryebashkiakun Luka për të biseduar rreth mundësisë së një rikthimi të mundshëm të tij sërish tek Vllaznia. Ende nuk dihet nëse ky takim është bërë apo jo por ajo çfarë bëhet publike është se lojtari ka patur një takim pak ditë më parë me trajnerin Vata. Ka qenë I pari takim mes tyre që nga pasditja e 26 nëntorit, pak orë përpara ndeshjes Vllaznia- Skënderbeu.

Ekipi i Vllaznisë nuk është grumbulluar këtë herë në pragndeshjen me Dinamon. Ka qenë trajneri Rudi Vata që ka vendosur në këtë mënyrë duke mos preferuar grumbullimin në një nga hotelet e qytetit të Shkodrës. Megjithatë skuadra është grumbulluar mbrëmë teksa e gjitha sëbashku, ka ngrënë darkën në hotel "Europa" dhe këtë ritual do bëjë edhe sot kur do ketë drekën po në këtë ambjent.

Drejtuesit e klubit shkodran nuk kanë shfaqur asnjë interes për futbollistin e Bylisit Amarildo Dimo. Siç mund të jetë shkruar edhe në media të ndryshme, ky lajm rezulton të mos ketë patur shumë të vërteta brenda ndonëse edhe vetë lojtari mund të kishte qenë dakord me një lëvizje të tillë. Por Vllaznia nuk ka ndër mend të merret me një çështje të tillë. Këtë e ka pohuar njëri nga drejtuesit e lartë të klubit shkodran që për gazetën "Shkodra Sport.com", do të shprehej: "Nuk e dimë nga ka dalë ky opsion por Vllaznia nuk ka shfaqur asnjëherë ndonjë interes për këtë lojtar.