MOSHAT

Dy ditë më parë, në përballjen e Vllaznia-Shkëndija e Tiranës për U-19, takim ky i luajtur në stadiumin “Reshit Rusi” të Shkodrës, ekipi mik fitoi me rezultatin 0 me 1. Një fitore që krahas të tjerëve, meritë ka edhe kapiteni i kësaj skuadre, Enis Çokaj.

Ndryshe nga sa u mendua, Vllaznia U-19 nuk arriti dot të fitojë ndaj Shkëndisë së Tiranës dhe të barazohej me të në renditje. Djemtë nga kryeqyteti kanë arritur të fitojnë 1-0 me një gol të shënuar në pjesën e dytë. Një humbje disi e papritur sepse opinioni sportiv por edhe futbollistët dhe trajnerët Zmijani e Kola ishin përgatitur për një rezultat ndryshe.

Goli i shënuar nga sulmuesi Rejdison Gjurkaj në pjesën e dytë i ka mjaftuar ekipit Vllaznia U-17 të fitojë një tjetër ndeshje. Këtë herë ndaj Shkëndisë së Tiranës. Në fund të takimit, kuqeblutë kanë rregjistruar fitoren e rradhës, këtë herë me rezultatin 1-0. Përballja ka qenë shumë e fortë dhe ndonëse shkëndijasit nuk ndodhen në pozita të mira në renditje, kanë bërë një paraqitje shumë të mirë, madje janë konsideruar si ekipi që ka bërë ndeshjen më të mirë në Shkodër.

Ecuria e ekipit Vllaznia U-17 ka qenë vërtetë surprizuese këtë fillim sezoni. Kuqeblutë e drejtuar nga trajnerët Nefail Zhejani dhe Denis Zmijanej, udhëheqin me meritë renditjen e kampionatit. Për më tepër, golaverazhi i tyre deri më tani është shumë domethënës, me 22 gola të shënuar dhe vetëm 2 të pësuar.

Ndeshja "derbi" në mes AAS dhe Vllaznisë në kampionatin e 19 vjeçarëve, u fitua nga kjo e fundit me rezultatin 2-1. Një fitore që i shkëput kuqeblutë tre pikë nga skuadra tjetër shkodrane e cila gjithsesi, duke qenë debutuese në këtë kampionat, po paraqitet denjësisht dhe ka për të qenë një rivale e fort për të gjithë ekipet deri në fund. Por jo vetëm kaq. AAS ka në rradhët e saj edhe golashënuesin më të mirë të kampionatit deri më tani.

Një risi në futbollin e moshave në Shkodër. Një ekip i futbollit të femrave do të marrë pjesë në kampionat duke u ndeshur me ekipe djemsh. Ndodh kështu me ekipin e vajzave të Vllaznisë i cili është rregjistruar në kampionatin e moshës U-13 dhe madje të dielën që shkoi ka luajtur edhe ndeshjen e parë të kampionatit. Atë ndaj ekipeve të djemve të The Door. Sigurisht që rezultati në të tilla raste nuk ka shumë rëndësi sepse për drejtuesit e ekipit e rëndësishme është që këto vajza të vogla të luajnë.

Ndeshja e sotme në mes ekipeve të 19 vjeçarëve të AAS dhe Vllaznisë ka marrë kuptimin e vërtetë të një ndeshje "derbi". Ajo ka ngjallur edhe interesimin e shumë tifozëve shkodranë që ishin të pranishëm për të ndjekur këtë përballje. Takimi ka nisur me gol për Vllazninë e cila kalon në avantazh me anë të Qardakut.

Duhej të ishte një derbi ndryshe por në fakt, përballja e 17 vjeçarëve të Vllaznisë dhe ekipit të AAS, nuk ka dhuruar shumë emocione për të pranishmit në fushën sportive të Golemit paraditen e sotme. Fakti që kuqeblutë ishin në vend të parë në renditje dhe ekipi tjetër shkodran në vendin e fundit, e bënte të qartë se nuk do kishim rivalitet në fushë. Dhe në fakt kështu ka ndodhur.

Akademitë e reja të futbollit tashmë janë kthyer në një "trendy" si në Shqipëri ashtu edhe në Kosovë. Pikërisht në këtë të fundit, pak ditë më parë ka nisur funksionimin e saj një Akademi e re. Ajo është krijuar në qytetin e Pejës dhe është themeluar nga një ish- futbollist i Vllaznisë. e emërtuar "Arena Sport".

Elseid Hysaj është shndërruar në një element shumë të rëndësishëm për Napolin dhe vetëm dy ditë më parë ai festoi ndeshjen e 100-të me këtë skuadër. Drejtuesit e klubit ndërkohë duke qenë shumë të kënaqur me paraqitjet e këtij lojtari në këto tre sezone, mendojnë se mund të ketë të tjerë futbollistë si ai në qytetin e tij të lindjes, në Shkodër.