MOSHAT

Sezoni i ri futbollistik do të nisë ditën e nesërme dhe natyrisht që përveç futbollistëve dhe trajnerëve, janë duke u bërë gati për të startuar edhe arbitrat. Federata Shqiptare e Futbollit ka bërë përzgjedhjen e atyre që do të drejtojnë si kryesorë por edhe si anësorë në ndeshjet e këtij sezoni. Nga lista paraprake që ky institucion ka bërë, janë edhe dy arbitra shkodranë. Vetëm dy. Njëri është kryesor, Indrit Myrta ndërsa tjetri është anësor, Melis Dervishi. Natyrisht shumë pak për një qytet me tradita në futboll dhe po ashtu edhe në arbitrim.

Pas përvojave në skuadra të ndryshme, sëfundi tek Besëlidhja, Ideal Lekiqi nga dita e sotme ka nisur punë si trajner portierësh tek Akademia Vllaznia. Natyrisht që pasioni i tij për të stërvitur portierët e rinj tashmë do të fillojë të marrë jetë. Ai ka fituar përvojën e mjaftueshme për të qenë tashmë një model trajnimi për ta.

Pasditen e së hënes, ashtu siç është lajmëruar nga vetë klubi shkodran, do të startojë puna e Akademisë Vllaznia për sezonin e ri futbollistik. Të gjithe futbollistët e ekipeve të moshave, duhet të paraqiten në orën 16.00 në fushën "Reshit Rusi". Por vetë futbollistët e vegjël por edhe prindërit e tyre me të drejtë pyesin se kush do te jenë trajnerët sipas grupmoshave.

Ekipet e Akademisë Vllaznisë do të nisin të hënën punën për sezonin e ri futbollistik. Pas një muaji pushimesh, trajnerët dhe sportistët do të zbresin në fushën "Reshit Rusi" ditën e parë të javës që vjen për t'u njohur me trajnerët që do t'i drejtojnë dhe për të bërë planet për vazhdimësinë. Një gjë e tillë bëhet e ditur përmes një njoftimi që vetë klubi shkodran ka bërë në faqen e tij zyrtare.

Pas testit të kontrollit të zhvilluar ditën e djeshme ndaj Vllaznisë B, ekipi i 19 vjeçarëve i Akademisë Vllaznia do të zhvillojë një tjetër ndeshje miqësore. Këtë herë ndaj Tërbunit të Pukës. Takimi do të luhet ditën e shtunë në orën 17.00 në fushën sportive "Reshit Rusi".

Nga Shkodra vjen futbolli i bukur, vjen futbolli plot emocione dhe me kualitet të lartë në kampionatin tonë, vjen futbolli BIO. Vjen sepse në Shkodër ka një burim të pashtershëm talentesh, që furnizon të gjitha ekipet e Superiores dhe ato kombëtare. 19-vjeçarët shkodranë u shpallën kampionë të vendit sezonin e fundit dhe tani kanë siguruar edhe një arritje historike.

Kombëtarja shqiptare e futbollit, mosha U-17 e drejtuar nga trajneri Xhemal Mustedanagic do të zhvillojë një turne miqesor ne Kazakistan, i cili do të fillojë programin e ndeshjeve në datën 4 shtator dhe do të shpallë fituesin dhe renditjen përfundimtare në 8 shtator. Trajneri i përfaqësueses kuqezi ka grumbulluar 23 futbollistë, të cilët do të jenë në vëzhgimin e tij. Ata që do të bindin trajnerin do të kenë një vend në listën përfundimtare të kualifikueseve të ekipit kombetar për këtë grupmoshë, që do të zhvillohen në muajin tetor.

Pasditen e sotme bashkë me shortin e Champions League, është mësuar edhe shorti i grupeve për ndeshjet e të rinjve. Bëhet fjalë për të njëjtët ekipe të cilët konkurrojnë edhe me të rriturit. Por sa i takon Vllaznia U-19 dhe ekipeve të tjera pjesmarrëse në "Champions Youth League", shorti i tyre do të hidhet më datë 29 gusht në Nion të Zvicrës.

Lajmi i shumëpritur për futbollin e moshave të ekipeve në Shqipëri, erdhi. Vllaznia U-19 do të marr pjesë në ndeshjet e "Champions League Youth" për sezonin 2017-2018. Konfirmimi ka ardhur nga institucioni i futbollit europian- UEFA. Bashkë me ekipin shkodran këtë të drejtë e ka fituar edhe 19 vjeçarët e Shkëndisë së Tetovës.

Në kuadrin e përgatitjeve për ndeshjet e Ligës së Kampioneve dhe për kampionatin e ri, Vllaznia U-19 pasditen e sotme ka zhvilluar një ndeshje miqësore. Përballë saj ka qenë ekipi lezhjan i Portos. Kuqeblutë e drejtuar nga dyshja e trajnerëve Zmijani- Kola ka dominuar në të gjitha drejtimet ndaj kundërshtarit dhe ka fituar me rezultatin e thellë 8-0.