MOSHAT

Kampionatet e Ligës Amatore të Zonës së Veriut sot kanë ulur siparin e tyre duke shpallur edhe më të mirët. Ka ndodhur kështu pas përfundimit të ndeshjeve finale dhe më pas është zhvilluar ceremonia përkatëse e vlerësimit të ekipeve më të mira por edhe të lojtarëve më të mirë. Kështu, në kategorinë U-9, kampion është shpallur ekipi "Shkodra 2006" i cili pak kohë më parë u shpall edhe fitues i kupës "Esat Rakiqi".

Në futboll jemi mësuar që futbollistët t'i njohim nga pozicionet që mbajnë në fushë. Të gjithë e kemi të qartë se kush është portieri, mbrojtësi, mesfushori apo dhe sulmuesi. Por ka edhe ndryshe.Bekim Balaj e ka nisur karrierën e tij si portier por më pas, në një ditë të zakonshme, një nga trajnerët që ka punuar me të tek moshat e Vllaznisë, pikërisht ish-kapiteni i saj Astrit Prençi, e provoi në sulm dhe aty mbeti.

Ish- portieri i famshëm shkodran, Paulin Ndoja, aktualisht trajner i portjerëve në Akademinë Vllaznia merret me përgatitjen e një grupi portjerësh të rinj që janë pjesë e ekipeve zinxhir të kuqebluve. Njëri prej tyre është edhe Samet Bajri, ishte “heroi” i ndeshjes finale të luajtur të enjten në “Elbasan Arena”, Vllaznia-Partizani ku me dy penalltitë e pritura kontribuoi në fitimin e titullit kampion për kuqeblutë.

Eshtë zhvilluar sot në orën 16:00, ne kompleksin "Internacional" finalja e Kategorisë së Pare për moshen U17, edicioni 2016-2017. Në këtë finale janë përballur Akademia AAS si fituese e grupit A dhe Luftëtari si fitues i grupit B. Finalen e fitoi Akademia AAS me rezultatin 3-2 pas një ndeshjeje shumë të luftuar midis dy finalistëve, të cilët sezonin e ardhshëm do të jenë pjesë e Kategorisë Superiore për këtë grupmoshe.

Pasditen e djeshme kombëtarja shqiptare U-19 nën drejtimin e trajnerit Erjon Bogdani ka zhvilluar ndeshjen e saj të parë në turneun "Lazio Cup" ku është duke marrë pjesë në Itali. Përballë saj ka qenë Racing Club Roma dhe në përfundim të ndeshjes është fiksuar rezultati i barabartë 0-0. Në formacionin kuqezi në këtë ndeshje të parë ka luajtur me sukses për 90 minuta edhe mbrojtësi shkodran Enes Isufi. Sigurisht që ai ka spikatur me sigurinë e treguar në fushë, ndonëse mosha e tij është shumë e re megjithatë ai premton shumë për të ardhmen.

Esat Rakiqi është nderuar nga Federata Shqiptare e Futbollit me një kupë të organizuar nga Zyra Rajonale në Shkodër me drejtues Hysen Zmijanin, në nderim të tij vetëm pak muaj pas ndarjes nga jeta. Kupa ka rreth një muaj që ka nisur dhe ka kulmuar paraditen e së shtunës kur janë zhvilluar ndeshjet finale dhe janë përcaktuar fituesit e saj sipas grupmoshave. Në këtë kupë kanë marrë pjesë të gjitha ekipet e Zonës së Veriut në grupmoshat nga 9 deri 17 vjeç.

Pas më tepër se një muaji ndeshje të luajtura, paraditen e nesërme Zyra Rajonale e Federatës Shqiptare të Futbollit në Shkodër do të zhvillojë ceremoninë përmbyllëse të kupës së zhvilluar në nderim të ish- futbollistit dhe ish- trajnerit të Vllaznisë Esat Rakiqi, të ndarë nga jeta pak muaj më parë. Në të pritet të marrin pjesë familjarë dhe shokë e kolegë të tij. Para se të zhvillohet kjo ceremoni dhe ndarja e kupave për fituesit, do të zhvillohet të gjitha ndeshjet sipas grupmoshave.Tashmë janë përcaktuar edhe skuadrat finaliste dhe mbetet për të përcaktuar vetëm fituesit.

Dy futbollistë të tjerë të Akademisë Vllaznia grumbullohen sërish në ekipet kombëtare. Bëhet fjalë për Enes Isufin dhe Senad Hysenajn. Të dy ata ditën e nesërme do të paraqiten në kompleksin "Tropikal" në Durrës për t'u vënë në dispozicion të trajnerit të kombëtares U-19 Erjon Bogdani. Ky do të jetë një grumbullim katërditor për të parë gjendjen e secilit futbollist në prag të aktiviteteve të ardhshme. Në fakt, të dy futbollistët e mësipërm e meritojnë këtë grumbullim sepse po spikasin me paraqitjet e tyre tek ekipi U-19 i Akademisë Vllaznia.

Nderimi i figurave të ndryshme sportive që tashmë nuk jetojnë më, është kthyer në një traditë shumë të mirë në Shkodër. Kuptohet se kjo është minimumi i asaj çfarë mund të bëhet për ta, pikërisht për atë çfarë i kanë dhënë këtij qyteti dhe sportit shqiptar. Ditët e fundit në kryeqendrën e Veriut ka nisur kupa në nderim të një emri të madh të futbollit, Esat Rakiqit, të ndarë nga jeta pak muaj më parë. Kupa është organizuar me inisiativën e shefit të Zyrës Rajonale të FSHF-së, Hysen Zmijanit dhe ka gjetur mbështetjen e të gjitha klubeve dhe shoqatave të zonës së Veriut.

Nesë në Elbasan do të zhvillohet miqësorja në mes Shqipërisë dhe Italisë në futboll për femra dhe do jetë një test për vajzat tona që siç dihet drejtohen nga dy trajnerët shkodranë Armir Grima dhe Vioresin Sinani. Këta dy të fundit kanë grumbulluar ndërkohë edhe ekipin në Durrës dhe interesant është fakti se ndër 22 futbollistet e grumbulluara, plot 10 i takojnë ekipit kampion të vendit- Vllaznisë. Bëhet fjalë për Raxhimin, Proton, Maliqin, Bajraktarin, Gjinin, Jasharin, Mujen, Franjen, Doçin dhe Gjergjin. Grumbullimi i kaq shumë futbollisteve nga ky ekip sigurisht që tregon më së miri për rolin që Vllaznia ka në futbollin e femrave.