FUTBOLL

Opinion nga Redan Bushati

Që Shpëtim Duro nuk është më kryepankina shkodrane, këtë nuk e pohoj unë, por... vetë klubi i futbollit «Vllaznia». Një gjë të tillë mund ta vërtetojnë secili prej jush, që “Shpëtim Duro nuk është më trajneri i Vllaznisë dhe Këshilli i Trajnerëve është jashtë funksionit”.

Për të parën herë ndoshta edhe në mënyrë publike, në Shkodër kanë dalë hapur me dyshimet e tyre për trukimin e një ndeshje. Pikërisht për ndeshjen e fundit me Kastriotin. Dy golat e parë të shënuar nga skuadra krutane, konsiderohen të lënë nga futbollistët e Vllaznisë. Sigurisht që kjo nuk mund të vërtetohet taman por të paktën këtë herë është folur edhe publikisht. Në një nga emisionet sportive në televizionet lokale,   Astrit Dervishi, ish-gjyqtar I njohur në vendin tonë, tashmë në rolin e vëzhguesit, e ka thënë hapur se dy golat e parë të Kastriotit, janë lënë nga futbollistët e Vllaznisë.

Zhurma e krijuar në media për trukimet e ndeshjeve të kampionatit shqiptar, apo dhe raportet që vijnë nga UEFA e FIFA, kanë vënë në lëvizje edhe Komisionin e Etikës, organin që FSHF ka krijuar enkas për këtë qëllim. Ky komision pikërisht sot ka dalë me një deklaratë për mediat ku thuhet:
"Komisioni i Etikes se FSHF i mbledhur sot ne date 6 Dhjetor 2012 ne mbledhjen e tij te rradhes dhe shqyrtoi materialet te cilat jane objekt gjykimi nga ky Komision.

Vendi I tetë në fundin e fazës së parë të kampionatit dhe eliminimi nga Kupa e Shqipërisë, I ka zhgënjyer të gjithë në Shkodër. Tifozë, drejtues por edhe ish-futbollistë të Vllaznisë, ndjehen jo pak keq kur e shohin skuadrën e tyre të vuajë. Ferid Borshi, një nga emrat e njohur të Vllaznisë së viteve ’80  dhe që pak ditë më parë  bashkë me veteranët e tjerë të Vllaznisë fitoi edhe kupën “Pavarësia” që u zhvillua në Vlorë, ndjehet keq kur e sheh atë të vuajë. Sipas logjikës së tij, mundohet të bëjë edhe një analizë të ecurisë së saj duke u ndalur konkretisht tek dy takimet e fundit. 

Agim Medja, ish-sekretari i klubit të futbollit Vllaznia, në një emision sportiv në një prej mediave lokale ka analizuar problematikat që ka pasur kjo skuadër gjatë kësaj periudhe. Për Medjan, largimi i një tekniku dhe zëvendësimi i tij me një tjetër nuk mund të ishte zgjidhja më e mirë për momentin, gjithmonë nëse stafi teknik me Duron në krye e ka gjithçka nën kontrollin e vet. Një deklarim të tillë, Duro e ka theksuar në gjithë daljet e tij para mediave. Kjo, sipas Medjas, do të ishte e mjaftueshme që tekniku të vijonte punën e tij, por gjithmonë nëse nuk ka një ftohje të marrëdhënieve të tij me drejtuesit e tjerë.

Në takimin që nënkryetari I Bashkisë Shkodër Ritvan Troshani ka bërë me administratorin Fatos Gjyrezi dy ditë më parë, mësohet se I ka kërkuar këtij të fundit të llogarisë edhe efektin financiar që do kenë largimet e mundshme nga skuadra të disa futbollistëve. Ndoshta edhe të trajnerit Duro. Të gjithë këta, janë nën kontratë me Vllazninë deri në fund të sezonit dhe prandaj, largimet e tyre kanë edhe ndikimin financiar të ndërprerjes së kontratave.

Për trajnerin Shpëtim Duro dhe disa prej futbollistëve që përfliten, dje nuk ka pasë asnjë takim. Tashmë do jetë dita e enjte shumë vendimtare për Vllazninë. Pikërisht këtë ditë do të zhvillohet edhe analiza e shumëpritur e drejtuesve të lartë të klubit shkodran, me stafin drejtues dhe atë teknik. Vendimi është marrë ditën e djeshme. Në fakt pritej që të kishte një takim të nënkryetarit të Bashkisë Troshani dhe administratorit Gjyrezi me kryebashkiakun- president Luka. Të paktën kështu kishte deklaruar një ditë më parë vetë numri 2 I këtij institucioni.

Mbrojtësi Dritan Smajli është i vetmi futbollist i ekipit të Vllaznisë që ka fituar një vend në anketën e "11-shes më të mirë të fazës së parë" të kampionatit. Kjo anketë është organizuar nga gazeta "Sport Ekspres". Ajo ka marrë mendimet 3 trajnerëve të 13 skuadrave të Superligës (nuk ka votuar vetëm Rubio i Flamurtarit). Ai është vlerësuar si mbrojtësi i djathtë më i mirë teksa fituesit e tjerë kanë qenë:

Kështu ka raportuar sot gazeta më e vjetër sportive në Shqipëri "Sporti Shqiptar". Sipas asaj çfarë shkruhej në një artikull të saj, drejtues të klubit shkodran i kanë bërë propozimin trajnerit aktual të Kukësit për të ardhur e marrë drejtimin e Vllaznisë për pjesën e mbetur të sezonit.Nuk bëhen të ditura detaje të mëtejshme por sigurisht që një e tillë konsiderohet e pamundur ngaqë Cungu ka nisur dhe po bën një punë shumë të mirë në krye të Kukësit. Me të ndodhet aktualisht në vendin e katërt në kampionat pas fazës së parë dhe po ashtu, është edhe në turin çerekfinal të Kupës së Shqipërisë.

Trajneri i Vllaznisë Shpëtim Duro vazhdon të jetë në krye të detyrës së tij. Të paktën deri në momentin kur do të zhvillohet analiza e drejtuesve të klubit në lidhje me gjithçka ka ndodhur nga muaji qershor kur ka nisur puna për këtë ekip dhe deri tani. Një analizë e tillë, bëhet e ditur se do të zhvillohet brenda dy javëve të ardhshme. Ajo mund të bëhet edhe më shpejt, kjo varet nga mënyra sesi duan t'i bëjnë punët drejtuesit e klubit. Skuadra shkodrane sot mund të zbresë në vendin e nëntë në renditje dhe një pozicionim i tillë është i papranueshëm për një skuadër që është ndërtuar për të qenë pretendente.