PA KATEGORI

Ada e Velipojës në futboll për femra e starton me një goleadë kampionatin duke fituar që në takimin e parë me rezultatin 6-1 përballë Kinostudios. Kampionia në fuqi- Ada nuk e ka diskutuar për asnjë moment fitoren teksa ka mposhtur në të gjitha drejtimet një kundërshtar që ishte në një nivel shumë më të dobët. Velipojaket të drejtuara nga Axhani e kanë nisur serinë e golave që në të 18' me anë të Doçit e cila ka realizuar një dopietë dhe në të 30'. Golat nuk kanë të sosur për velipojaket që në pjesën e parë arrijnë të shënojë  plot 6 gola.

Juban-Danja dhe Tirana AS nuk kanë shkuar më shumë se një barazim mes tyre që në javen e parë të kampionatit shqiptar të futbollit të femrave. Qyteti i Shkodrës përveç Adës ka patur dhe një takim tjetër të futbollit të femrave atë mes dy rivaleve. "Juban-Danja" nënkampionja e sezonit të kaluar me përforcimet e realizuara gjatë merkatos së verës, hyri në fushën e lojës me pretendimin e qartë për të fituar tri pikët e para. Por nuk qëndronte aspak më poshtë dhe ekipi i Tiranës që ndryshe nga sezoni i kaluar ka hyrë me ide të qarta për të qenë një skuadër pretenduese.

Në prag të nisjes së kampionatit të katërt kombëtar të futbollit të femrave, në pankinën e "Juban Danjës" ka patur një rrokadë trajnerësh. Kështu, Kreshnik Krepi që e drejtoi këtë skuadër sezonin e kaluar, madje fitoi edhe Kupën e Shqipërisë me të, nuk do jetë më trajner i saj. Ai ka preferuar të nisë punën me ekipin e 19 vjeçarëve të Tërbunit të Pukës. Vendi i lënë bosh nga largimi i Krepit nuk ka zgjatur shumë. Presidenti i këtij ekipi Ferdinand Jaku ka vendosur që t'ia besojë pankinën Emanuela Jakut, futbollistes kryesore të këtij ekipi. Ajo tashmë do të bëjë edhe detyrën e trajneres por edhe të futbollistes.