Në një story të fundit në rrjetin social “Instagram”, sulmuesi i Shqipërisë Mirlind Daku, është parë sërish në fushë, duke u stërvitur me ekipin e Rubin Kazan në Rusi.
Para disa ditësh, trajneri Franc Artiga krijoi “frikë”, e ku u shpreh se problemi muskulor i Dakut nuk ishte i lehtë, por shqetësues. Fakti që 28-vjeçari është sërish në “aksion”, jep shpresë se mund të jetë i disponueshëm për ndeshjen Poloni – Shqipëri, gjithmonë nëse trajneri Sylvinho e ka në plane për sfidën e datës 26 mars.
Përballja e vitit 2023, mes Kombëtares dhe polakëve, e përfunduar 2 – 0, do të mbetet historike për Mirlind Dakun, shënoi goli e parë me ngjyrat e përfaqësueses, u fut në lojë përgjatë minutës së 62-të dhe pak sekonda më vonë finalizoi, duke ngritur në “peshë” stadiumin “Air Albania”.
