Prej disa ditesh basketbollisti shkodran Daniel Lekndreaj eshte duke u stervitur me ekipin e Vllaznise. Ai eshte çdo dite ne pallatin e sportit “Qazim Dervishi” duke u munduar te kape formen e duhur sportive.
Siç dihet, ai pak kohe me pare zyrtarizoi mbylljen e bashkepunimit me ekipin e Pejes, nje mbyllje qe ne fakt nuk ka qene ajo e duhura dhe vete lojtari permes nje postimi pat shprehur pakenaqesine e tij ne sjelljen e drejtueve te klubit.
Kjo do te thote se ai ne Peje nuk do te kthehet me per momentin, por opsioni kryesor i tij per vazhdimin e karrieres me shume mundesi do te jete serish Kosova. Por nga ana tjeter nuk perjashtohet mundesia per te qendruar edhe ne Shkoder.
Drejtuesit e Vllaznise nese duan te ndertojne nje ekip me pretendime per titullin kampion, padyshim qe duhet ta mbajne me çdo kusht kete lojtar, i cili me largimin e Shestanit, fare mire do te ishte edhe kapiteni i ekipit.
Lekndreaj eshte nje basketbollist me shume vlera tashme qe po i tregon edhe me ekipin kombetar dhe padyshim qe do t’i bente shume pune Vllaznise, megjithate duket se eshte ende heret per te folur per te ardhmen e tij./SHKODRA-SPORT.COM/
