Florian Marku do të përballet ditën e sotme me boksierin francez, Jorick Luisetto. Boksieri shqiptar do të zbresë në “SSE Arena” në Wembley dhe do të kërkojë triumfin e radhës.
Përmes një postimi në rrjetet sociale, Florian Marku ka zbuluar edhe orën e sfidës së sotme, e cila ne fakt pritet me shume interes edhe nga mbeshtetesit e shumte te tij.
Në orën 21:30, Marku do të zbresë në ring për përballjen me Luisetto dhe padyshim sytë e të gjithë shqiptarëve do të jenë në këtë ndeshje.
Jorick Luisetto, kundërshtari i Markut ka zhvilluar deri më tani 13 ndeshje dhe ka arritur 11 fitore dhe 2 humbje, ndërsa boksieri shqiptar është ndeshur 10 herë dhe ka marrë 9 fitore dhe një barazim.
