Stadiumi “Loro Boriçi” nuk do të administrohet më nga FSHF, por nga bashkia e Shkodrës, që është edhe pronare e impiantit që u rikonstruktua vetëm dy vite më parë.
Në muajt e fundit ka pasur jo pak polemika për çështjen e administrimit të stadiumit, por sot ka mbyllur çdo dilemë vetë presidenti i FSHF-së, Armand Duka, i cili në vizitën e bërë në Shkodër, duke folur për mediat, ka sqaruar edhe se si do të procedohet me stadiumin.
