Do të jetë një miqësore luksi, ne luajmë kundër një ekipi të fortë që ka shumë tifozë në Shqipëri. Pas Italisë, shumica e tifozëve italianë janë në Shqipëri. Do të ketë një entuziazëm të madh, nuk kemi pasur kurrë një kërkesë kaq të madhe për bileta”, kështu do ta niste intervistën për “TuttoMercatoWeb.com, presidenti i Federatës Shqiptare të Futbollit, Armando Duka përpara takimit miqësore me Italinë, që do të luhet ditën e sotme duke nisur që nga ora 20:45 në “Air Albania”.
“Më vjen keq që nuk mund ta shoh Italinë në Kupën e Botës, por është bukur të presësh Azurrët nga ne në Tiranë. Këtu në Shqipëri është një festë e vërtetë, Italia është vendi i dytë për shumë qytetarë të Tiranës dhe kjo është arsyeja pse sonte, edhe pse larg, Azzurri-t mund ta gjenin veten me gjithë stadiumin duke kënduar himnin e Mamelit”, do të vijonte Duka.
Edhe ju iu afruat kualifikimit në Botëror. – “Ne dolëm të tretët në grup me Anglinë dhe Poloninë, humbëm ndeshjen e fundit. Ne ishim të pafat edhe në ndeshjen vendimtare, u gjendëm në ditën e ndeshjes me tre lojtarë më pak, sepse dolëm pozitiv në testin për Covid dhe pësuam një gol në fund. Por përsëri është pozitive, ne kurrë nuk e kemi arritur vendin e tretë në një grup kualifikues për Kupën e Botës.”
Rezultatet e Shqipërisë janë vazhdimisht në rritje- “Në vitin 2021 fituam grupin e Ligës C të Nations League dhe kaluam në Ligën B, ku nuk dolëm ashtu siç dëshironim. Në mars do të përpiqemi të bëjmë më të mirën menjëherë”.
Reja është me ju prej më shumë se tre vitesh, si e gjykoni punën e tij? “Reja si trajner i Shqipërisë udhëhoqi kombëtaren tonë në katër gara. Ai e çoi ekipin në grupin kualifikues në Kampionatin e fundit Evropian dhe doli mirë, vetëm se humbi betejën në fund për një gol të minutës së fundit në Turqi dhe më pas fitoi grupin e Ligës C të Ligës së Kombeve duke marrë kualifikimin në Ligën B.
Më pas, 18 pikët e kualifikimit për Botërorin duke rezultuar në vendin e tretë dhe në fund vendin e tretë në grupin e Ligës B të Ligës së Kombeve. Përgjithësisht për mua ai ka punuar shumë mirë, ka rinovuar pak ekipin, ka ndërtuar një skuadër të fortë dhe në një moshë relativisht të re”.
Kontrata e tij tani po skadon. A do të jetë ai ende trajneri juaj? “Ne e lamë Rejën të qetë për këto dy ndeshje kundër Italisë dhe Armenisë, pa bërë asnjë diskutim. Pas kësaj do të ulemi rreth një tavoline dhe do të diskutojmë”.
Nëse nuk vazhdoni me Rejën, do të ketë përsëri një trajner italian? “Ndoshta po ndoshta jo. Nëse nuk është Reja duhet të analizojmë… Nuk kemi kandidatë për momentin. Italianët fillojnë pak më vonë, sepse ne kemi gjysmën e ekipit që luan në Itali dhe të gjithë flasin gjuhën. Dhe pastaj e juaja është një shkollë e madhe, sigurisht që këto janë themele të rëndësishme”.
Shumë lojtarë ‘italianë’ në kombëtare? “Berisha është kapiteni ynë, pastaj Djimsiti nga Atalanta dhe Ismajli nga Empoli janë dy shtyllat e mbrojtjes sonë. Asllani luan në një klub më të rëndësishëm, të njohur si Interi. Më pas në kryeqytet është Kumbulla në Roma dhe Hysaj te Lazio. Së fundi Bajrami, ende te Empoli, ai është ndoshta lojtari ynë që ka bërë më të mirën në këtë pjesë të parë të Serisë A.”
Edhe sepse Asllani dhe Kumbulla, të rinjtë tuaj më premtues, nuk luajnë? Shumë, është e vërtetë… Nuk e di nëse pranimi i stolit është rruga e duhur për ta. Për mendimin tim është më mirë që ata të shkojnë në klube që mund t’i bëjnë të luajnë 90 minuta. Ata duhet të luajnë, të gjithë kanë nevojë për të, por sidomos këta fëmijë që janë të vegjël…”.
E njëjta gjë po ndodh edhe me Armando Brojën te Chelsea, i kombëtares suyaj nuk po luan minutat e plota? “Ndoshta për të gjetur më shumë hapësirë mund të zbarkojë në Itali, ku ka disa klube që e ndjekin. Jam i interesuar që ai të luajë dhe të bëjë mirë, nuk më intereson se ku.”
Dhe sonte çfarë atmosfere dhe ndeshje prisni? “Pres të njëjtën klimë si në ndeshjen e fundit të zhvilluar në Genova (në vitin 2014) me të gjithë tifozët shqiptarë në tribunë që kënduan himnin, besoj dhe sot do të këndohen të dy himnet.
