Menaxheri i njohur Bruno Dodi vazhdon te godase duke derguar te tjere futbolliste te rinj shqiptare ne Europe. Pasi ka mbyllur me suksese transferimin e shkodranit Jurgen Qemali tek Adana Demirspor (kontrata do firmoset keto dite sepse u shty per shtak te termetit te rene ne Turqi), ai ka transferuar edhe dy te rinj te tjere ne Spanje.

Behet fjale per futbollistin me origjine nga Lezha Bruno Therqaj si dhe nje tjeter me origjine nga Korça, Mariel Deme, kane kaluar me sukses provat tek Akademia e Valencias ne Spanje dhe nga shtatori qe vjen do te behen pjese e saj.

Lajmin e ka konfirmuar per gazeten “Shkodra Sport” vete menaxheri Dodi kur shprehet: “Ka qene nje prove e kaluar me sukses nga keto dy futbolliste. Dje kishin nje ndeshje ndaj Deportivos dhe Deme e Therqaj sebashku edhe me nje futbollist nga Etiopia ishin te vetmit qe binden nga lojtaret qe ishin ne prove.

Si rrjedhoje, Deme e Therqaj nga shtatori i ketij viti do te bashkohen me Akademine e Valencias dhe ky padyshim qe eshte nje lajm i mire sepse atyre u hapet nje mundesi shume e mire per te bere nje karriere te shkelqyer”.

Te dy jane futbolliste te datelindjes 2006 dhe Therqaj luan si sulmues qendre, ndersa Deme si sulmues krahu. Tashme tek Valencia do te munden t’i shfaqin si duhet aftesite e tyre, por nga ana tjeter sigurisht qe duhet pergezuar menaxheri Bruno Dodi per keto mundesi te shkelqyera qe po u krijon te rinjve shqiptare per te luajtur ne Europe.
Gjergj KOLA