Mino Raiola, menaxheri i njohur i futbollistëve është ndarë nga jeta në moshën 54 vjeçare pas një beteje me sëmundjen e mushkërive. Për më shumë se 3 muaj Raiola ishte i shtruar në një spital në Monte Carlo. Raiola njihej për karakterin e tij dhe përfaqësimin e yjeve si Pogba, Ibrahimovic, Haaland etj.
Raiola lindi në Nocera të Italisë në vitin 1967 dhe emigroi me familjen e tij një vit më pas në Hollandë. Një futbollist premtues në moshën 20 vjeçare, Raiola mori drejtimin e të rinjve të HFC Haarlem në Hollandë vetëm 21 vjeç si trajner, përpara se të linte futbollin e luajtur dhe të fokusohej te menaxhimi.
Raiola fillimisht punoi për Sports Promotions, një kompani menaxherësh sportivë dhe ndërmjetësoi një numër të lartë transferimesh të profilit të lartë, nga Bergkamp, Michel Kreek dhe Bryan Roy.
Ai aktualisht përfaqësonte më shumë se 20 futbollistët më të mirë evropian. Detajet lidhur me vdekjen e tij priten të bëhen publike në orët në vijim.