Skuadrat shqiptare ende pa u mbyllur mire sezoni, kane filluar menjehere levizjet e para duke larguar kryesisht trajnere dhe lojtare, nderkohe qe ka edhe afrimi.
Keshtu ka ndodhur edhe diten e sotm. Pas ndarjes nga Diego Longo, klubi i Kukësit ka gjetur menjëherë trajnerin e ri dhe ai është Skënder Gega.
Burime për “Supersport.al” bëjnë me dije se Gega do të marrë drejtimin e “verilindorëve” për sezonin e ardhshëm, mes palëve marrëveshja është arritur, ndërsa tashmë mungon vetëm zyrtarizimi i klubit. Trajneri do të prezantohet nga klubi ditën e hënë në stadiumin “Kukës Arena”.
Gega ka qenë në krye të Kukësit edhe në 2020-ën, duke bërë kështu një rikthim te verilindorët. Eksperienca e tij e fundit në kampionatin shqiptar, ishte gjatë këtij sezoni kur mori për pak javë drejtimin e Skënderbeut.
Ndërsa periudha më e mirë e 58-vjeçarit në Superiore ishte sezoni 2018-2019, kur fitoi titullin kampion me Partizanin.
