Pasi shënoi dy herë në minutat e para, Rodrygo dhuroi edhe një asist. Pasimi i brazilianit në minutën e fundit të pjesës së parë u kthye në gol nga Karim Benzema, i cili gjen rrjetën e parë në Champions për këtë sezon.
Një gol historik për sulmuesin francez dhe i 46-ti në kompeticionin evropian. Benzema arrin të gjejë golin në kompeticionin e më të mirëve për sezonin e 15-të rresht.
31-vjeçari barazon një mostër si Leo Messi. Ylli i Barcelonës vendosi këtë rekord me golin e shënuar kundër Slavia Prague në Çeki, duke gjetur golin për sezonin e 15-të rresht në Champions. /abcnews/
